Press "Enter" to skip to content

Ṭhal romei tang ah rak tum tawnmi March Muko, tukum cu zenkhu le bom aw lakah lungfim set loin

Ṭhal Zenkhu tang ah March Muko (2021) Ṭhal romei tang ah rak tum tawnmi March Muko, tukum cu zenkhu le bom aw lakah lungfim set loin kan hon tum. Kanan lei kan khuallam ca ah bawmtu, hnemtu le umharphen tal si hram seh tiin… (Hmaizarh ah a chuak lai).

Tlawmpetu Cung Ah Lunglawmhnak 2021 kum chung Lai khuate lei ah Muko tlawmpetu nan dihlak cung ah kan i lawm hringhran. Hmanthlak chung ah tlawm nan peknak khua le a zat kan langhter. Palh sual mi a um ahcun tawlreltu sin ah thawng kan thanh te sawh uh. Lunglawmhnak he, Muko Mekazin Komiṭi.Joel Ling

thawngpang dang relchaap >>>>>

Aho dah kan ral taktak timi kan i fian a hau
==============
An thil tuahmi a that caan ah ka thangthat hna, ruahnak cheuh a herh caan ah ka cheuh hna. Anmah tluk in ralkap cozah ka doh len ve ko. Ralkap nih kan tlaih hna sehlaw anmah nikhat thong an tlak lio ah kei cu kum 1 thong a tla ding dirhmun khi ka si.

An khuakhan mi sullam um deuh lo tiah ka ruahmi a um caan ah cun hmai zoh lo tein ka sawh piak tawn ko hna, ka soisel tawn ko hna. Mah ti zalawng tein i sawh piak lawng ah ‘check and balance’ a um lai i organization ningcang tein hruai khawh a si lai.

Mah ti zalawng tein chimrel khawhnak ‘free speech’ hi democracy a muru bik cu a si. Cu a rem lomi cu dictator(aana-sin) kan ti hna. Ka catialmi ruang ah a hlan tein aka hua tawntu Hakha lamzawh hruaitu cheukhat nih tuni kha tlerh le thihphaih in warning an ka pek. ‘Na nun himnak tiang an hnorsuan khawh’ tibantuk biafang tiang an hman.

‘Ziah free speech caah dothlennak a tuah cuahmahmi nih ralkap bantuk in minung pakhat menmen thihphaih le tlerh len ko cu’ ka ti i ka lungtha pah lo. Hakha nih puitling deuhmi hruaitu kan herh hringhran timi ruahnak aka ngeihter.

Khah, kan ral taktak a simi ralkap dohnak tu ah thazaang chuah chin ko u sih. Keimah luala thihphaihnak ah nan caan nan pekmi cu a paam tuk. Mipi lei in lungtlin lonak an chimmi zong emotional thin hunnak i lak in ral ah ser colh loin ‘check and balance’ tuahnak tu ah hman khawh i zuam hram u, kan ral taktak ahodah si timi philh hlah u sih. Salai Lungthli Tum

Be First to Comment

Leave a Reply

Your email address will not be published. Required fields are marked *