𝐀𝐮𝐬𝐭𝐫𝐚𝐥𝐢𝐚 – 𝐌𝐲𝐚𝐧𝐦𝐚𝐫 𝐑𝐞𝐥𝐚𝐭𝐢𝐨𝐧𝐬 𝐭𝐡𝐫𝐨𝐮𝐠𝐡 𝐑𝐂𝐄𝐏 𝐀𝐠𝐫𝐞𝐞𝐦𝐞𝐧𝐭 [𝐑𝐂𝐄𝐏 𝐇𝐧𝐚𝐭𝐥𝐚𝐤𝐧𝐚𝐤 𝐭𝐡𝐚𝐰𝐧𝐠 𝐢𝐧 𝐀𝐮𝐬𝐭𝐫𝐚𝐥𝐢𝐚 𝐥𝐞 𝐊𝐚𝐰𝐥𝐫𝐚𝐦 𝐩𝐞𝐢𝐡𝐭𝐥𝐞𝐢𝐡𝐧𝐚𝐤 𝐥𝐞 𝐡𝐦𝐚𝐢𝐥𝐞𝐢 𝐜𝐮𝐚𝐧𝐡𝐧𝐚𝐤

𝐀𝐮𝐬𝐭𝐫𝐚𝐥𝐢𝐚 – 𝐌𝐲𝐚𝐧𝐦𝐚𝐫 𝐑𝐞𝐥𝐚𝐭𝐢𝐨𝐧𝐬 𝐭𝐡𝐫𝐨𝐮𝐠𝐡 𝐑𝐂𝐄𝐏 𝐀𝐠𝐫𝐞𝐞𝐦𝐞𝐧𝐭 [𝐑𝐂𝐄𝐏 𝐇𝐧𝐚𝐭𝐥𝐚𝐤𝐧𝐚𝐤 𝐭𝐡𝐚𝐰𝐧𝐠 𝐢𝐧 𝐀𝐮𝐬𝐭𝐫𝐚𝐥𝐢𝐚 𝐥𝐞 𝐊𝐚𝐰𝐥𝐫𝐚𝐦 𝐩𝐞𝐢𝐡𝐭𝐥𝐞𝐢𝐡𝐧𝐚𝐤 𝐥𝐞 𝐡𝐦𝐚𝐢𝐥𝐞𝐢 𝐜𝐮𝐚𝐧𝐡𝐧𝐚𝐤] Background – Tuanbia hram zohnak

Asian le Asia Pacific um mi ai neih niam mi kan si nain kan i peihtleih ning hna a tha deuh lo caah fak deuh in rian kan tuantti a hau ti mi ruahnak hi a chuak. Indonesia ram Bali khua ah 19 November 2011 avoikhat nak bik ceihkhannak an rak ngei. Asinain, a ruang tampi ruangah kum 8 hnu lawng ah ram 15 nih min an thut khawh. RCEP ti mi cu Regional Comprehensive Economic Partnership ti a si ASEAN ram dih lak pin ah Australia, China, India, Japan, Korea le New Zealand hna an si. Free Trade Agreement kan ti cun Kan palh lai lo. India cu min thutnak ding ah harnak tete kan ngei rih tiah an ti caah India tu cu min a thu rih lo. Nain, RCEP Ministerial Committee nih cun nai ready tik paoh na rak i tal kho ko tiah lam an on piak. Abik in ASEAN ram 10 hna le Asia pacific chungah economic a thawng mi hna ram he free tein chawleh thalnak tuahnak ding hi a si ko.

RCEP market hi vawilei cungah a lian bik a si: • GDP 26.3 trillion a si. • Population -2.3 billion an si. • Australia ram nih mah RECP ram hna he kum khat ah Trade a tuah mi hi ($532.6 billion) a si. Mah hi 2019 data ka lak mi a si.

𝙕𝙚𝙞𝙙𝙖𝙝 𝙩𝙪𝙖𝙝 𝙖 𝙝𝙖𝙪 𝙧𝙞𝙝 𝙢𝙞 𝙖 𝙨𝙞? Mah RCEP hnatlaknak an ngei mi hna hi ASEAN ram chung in ram 6 le ASEAN member a si lo mi ram thum nih min an thut ahcun ni 60 chungah fehter a si lai. Atawinak cun ram 15 meeting kai mi chung in ram 9 nih an lungtlin ahcun an hnatlak mi pawl cu fehter a si thiam thiam lai tinak khi a si.

𝗔𝘂𝘀𝘁𝗿𝗮𝗹𝗶𝗮 𝗻𝗶𝗵 𝘇𝗲𝗶 𝘁𝗶𝗻 𝗱𝗮𝗵 𝗺𝗮𝗵 𝗵𝗻𝗮𝘁𝗹𝗮𝗸𝗻𝗮𝗸 𝗮 𝘁𝗹𝗮𝗺𝘁𝗹𝗶𝗻 𝗸𝗵𝗮𝘄𝗵𝗻𝗮𝗸 𝗮𝗵 𝘇𝗲𝗶 𝗱𝗮𝗵 𝗮 𝘁𝘂𝗮𝗵 𝗽𝗶 𝗵𝗻𝗮 𝗹𝗮𝗶? Australia ram cu zei bantuk International Agreement le Treaties an tuah zongah The Joint Standing Committee on Treaties ti mi ah kal ter hmasa a hau i Senate nih biatak tein kherhlainak an tuah ta ve. Asinain, sitting Prime Minister nih Agreement a tuah mi an cohlan lo mi cu a um hraw lo. Mah Joint Standing Committee ah hin ruling party lawng siloin teinak a hmu lo mi party chung in MPs pawl zong talh chih an si ve caah atawinak cun thawng an thahnh hna le an ceih pi hna ti khi a si ko.

Australia cu mah RCEP Agreement hi serious ngai in a zoh. Tuluk he an tlamtlin ti lo caah an trade lam thar a kau bik mi cu mah RCEP lawnglawng hi a si cang. Australia Cozah nih ASEAN ram chung in min a thu mi le mah hnatlaknak ah a lut mi hna pawl nih technical lei an herh bau mi bomhnak caah $46 millions ka bomh hna lai a ti. Budget a chuah colh. Aruang cu an hnatlak mi kha full in an tuah khawh nak hnga ca’h a si bik ko.

𝙆𝙖𝙬𝙡𝙧𝙖𝙢 𝙡𝙚 𝘼𝙪𝙨𝙩𝙧𝙖𝙡𝙞𝙖 𝙩𝙚 𝙯𝙚𝙞 𝙙𝙖𝙝 𝙖𝙞 𝙥𝙚𝙞𝙝𝙩𝙡𝙖𝙞 𝙡𝙖𝙞 𝙡𝙚 𝙢𝙞𝙖𝙠𝙣𝙖𝙠 𝙖 𝙘𝙝𝙪𝙖𝙝 𝙥𝙞 𝙡𝙖𝙞? Ram pakhat le pakhat peihtlaihnak ah hin chawlehthalnak lei in peihtlaihnak hi a biapi an si theo. Mah RCEP min an thut cun fak deuh in chawlehthalnak lei ah an i peihtlai lai. Mah nih a zulh ding mi cu education sector a si ve colh. Mah RCEP hnatlaknak nih a chuah pi ding colh mi hna cu: 1. Mah ram RCEP 15 chung ah hin tariff (akhun) laknak caah single rule le procedure lawng an ser lai. Chim duh mi cu tariff kalning an khah ter lai. Aho ca cio ah miaknak a si cang lai.

2. Australia nih high tech in hman mi telecommunications, professional services le financial services pawl kha mah ram 15 chungah an lut cang lai. 3. Customs procedure, quarantine le technical
standards pawl an machanisms pawl hna kha tha tein an siam remh cang lai. 4. Kawlram in business a tuah mi nih fawi ngai in Australia ah investment an rak tuah kho cang lai. Australia ram mi nih kawlram ah investment an luanter deuh cang lai. 5. E-commerce pawl peihtleihnak kha rianrang deuh in a kal khawhnak ah an ser chuah than lai. 6. IP (Intellectual Property) kha mah ram 15
nih an kilveng cio lai. A ho business tuah mi ca paoh ah an him deuh ving cang lai. 7. Rules of origin ti mi hnatlaknak an ngeih lai ca’h Australia businesses pawl le company pawl zong hnathiang deuh le lungnuam deuh in ASEAN market ah an luh kho cang lai.

Acunglei ka langhter mi hna hi Kawlram nih direct bak in miaknak ai hmuh pi chih ding mi an si ve. Kan nih Chin miphun zong kan i timh tuah cia ve a hau ve cang.

Atu zong ASEAN ram cheukhat nih min an thut cang. Kawlram zong 2021 ah ai ready rih lo hmanh ah 2022 tal ahcun ai ready hrim lai. Kawlram ah Australia bank lian mi pawl nih financial services zong an rak luh pi cang lai. RCEP hnatlaknak kha kawlram nih a feh ter bak in kan Chin miphun zong mah hnatlaknak nih a chuah pi ding mi miaknak pawl hi kan i lak thiam le kan i tal tum thiam a biapi bak ve lai.

Kan mah Chin context hoih tein chim ahcun ASEAN ram cheukhat hna nih cun US, EU le Australia tiang in an anthur, hmathak, ratuai le banhlahnah tiang in export an tuah. Mah nih khin rian tampi a ser piak hna. Mah pawl khi lam ram chuak an si ve. Mah pawl khi quality tha deuh in kan tuah khawh ve ding ah kan Chin miphun pawl zong bia tak tein a tu tein kan in timh ahcun 2021 pin lei ahcun lam a kau ngaingai kho mi a si. Sang Hre