Press "Enter" to skip to content

๐‘๐ž๐ฉ๐ฎ๐›๐ฅ๐ข๐œ๐š๐ง ๐ฅ๐š๐ค๐š๐ก ๐ข ๐‡๐ฆ๐ฎ๐ก๐ญ๐ก๐ข๐š๐ฆ๐ฅ๐จ๐ง๐š๐ค ๐š ๐‹๐ข๐ง๐ฌ๐š ๐ง๐ ๐š๐ข ๐ค๐จ ๐ง๐š๐ข๐ง, ๐†๐ž๐จ๐ซ๐ ๐ข๐š ๐ข ๐•๐จ๐ญ๐ž ๐ซ๐ž๐ฅ๐ญ๐ก๐š๐ง๐ง๐š๐ค ๐š๐ง ๐ญ๐ฎ๐š๐ก๐ฆ๐ข ๐œ๐ฎ ๐“๐ฅ๐ฎ๐š๐ง๐ ๐ญ๐ž๐ข๐ง ๐๐ž๐ก๐ณ๐ฎ๐ฅ๐ก ๐š ๐ฌ๐ข ๐ค๐จ ๐ซ๐ข๐ก

๐‘๐ž๐ฉ๐ฎ๐›๐ฅ๐ข๐œ๐š๐ง ๐ฅ๐š๐ค๐š๐ก ๐ข ๐‡๐ฆ๐ฎ๐ก๐ญ๐ก๐ข๐š๐ฆ๐ฅ๐จ๐ง๐š๐ค ๐š ๐‹๐ข๐ง๐ฌ๐š ๐ง๐ ๐š๐ข ๐ค๐จ ๐ง๐š๐ข๐ง, ๐†๐ž๐จ๐ซ๐ ๐ข๐š ๐ข ๐•๐จ๐ญ๐ž ๐ซ๐ž๐ฅ๐ญ๐ก๐š๐ง๐ง๐š๐ค ๐š๐ง ๐ญ๐ฎ๐š๐ก๐ฆ๐ข ๐œ๐ฎ ๐“๐ฅ๐ฎ๐š๐ง๐ ๐ญ๐ž๐ข๐ง ๐๐ž๐ก๐ณ๐ฎ๐ฅ๐ก ๐š ๐ฌ๐ข ๐ค๐จ ๐ซ๐ข๐ก
=================================================================================================

๐—˜๐—น๐—ฒ๐—ฐ๐˜๐—ถ๐—ผ๐—ป ๐—ผ๐—ณ๐—ณ๐—ถ๐—ฐ๐—ถ๐—ฎ๐—น๐˜€ ๐—ป๐—ถ๐—ต ๐—ฏ๐—ฎ๐—น๐—น๐—ผ๐˜ ๐˜๐—ต๐—ฎ๐—ฟ ๐Ÿฎ,๐Ÿฒ๐Ÿฌ๐Ÿฌ ๐˜๐—ถ๐—ฎ๐—ป๐—ด ๐—ฎ๐—ป ๐—ต๐—บ๐˜‚๐—ต ๐—ฐ๐—ต๐—ฎ๐—ฝ ๐—ธ๐—ผ ๐—ป๐—ฎ๐—ถ๐—ป, ๐—š๐—ฒ๐—ผ๐—ฟ๐—ด๐—ถ๐—ฎ ๐—ถ ๐—ฃ๐—ฟ๐—ฒ๐˜€๐—ถ๐—ฑ๐—ฒ๐—ป๐˜ ๐˜‡๐˜‚๐—ฎ๐—บ๐—ป๐—ฎ๐—ธ ๐—ฎ ๐—ฝ๐—ต๐—ถ๐—ฐ๐—ต๐˜‚๐—ฎ๐—ธ ๐—ฎ ๐˜๐—ต๐—น๐—ฒ๐—ป๐—ด๐—ธ๐—ต๐—ผ ๐—ฑ๐—ถ๐—ฟ๐—ต๐—บ๐˜‚๐—ป ๐—ฐ๐˜‚ ๐—ฎ ๐˜€๐—ถ ๐—น๐—ฒ๐—บ ๐—น๐—ผ.

ATLANTA โ€” Biden sinah vote tam nawn tein a sungh ruang i vote relthannak tuahpiak dingin tazacuainak a tuahtu Trump caah Georgia i election a phichuak thlen an duh caah a tu bantuk in thil an tuah hi a si. Cucaah hi bantuk tuaksernak nih hin Georgia stateโ€™s election integrity (teihkha) hi ka Republican hawile nih zei an rel lo bia a si, tiin Monday ah khan Georgiaโ€™s state secretary Brad Raffensperger nih a chim.

Georgia chungum Floyd County i a phichuak hi cuhlan tein state sin ah thanh a si rih lo mi a si i, tutan i vote relthannak an tuahmi ah vote thar 2,600 hmuhchap a si, tiin Monday zanlei i Election officials nih thawng an thanhmi kha a si. Thanh rih lo mi vote 2,600 dah ti lo cu, Georgia khuasa million 5 nih vote an thlakmi vialte cu tluangtein relthannaktuah a si cang, tiah thawng theih a si.

Vote relthannak cu tutan zarh chungah lim kho dingin ruahchannak a um i, Georgia i northwest ah a ummi Floyd County i thil ai ningcanglo mi dah ti lo in cun (hi County nih hin Trump hi biataktein an vote ve), a dang thil buaibai hi tlawmte taktak lawng a um, tiah Election officials nih an chim. Nihin tiang i vote relthannak an tuahmi a phichuak zoh tikah, a hmasa kan dirhmun a thleng khotu nehnang kan hmu lo. Biden nih ai tonenhmi dirhmun a thleng khotu ding a um rih lo, tiah Democrats lei nih an chim.

โ€œFloyd County i thilsining hi vanchiat ngai a si. Georgia chungum county tamdeuh i vote relthannak an tuahmi a phichuak hna hi a hmasa vote a zat a hnursuang kho dirhmun an phan hlei lo,โ€ tiah Georgia state secretary office ah official pakhat a si mi Gabriel Sterling nih a chim.

Trump nih vote thong tam nawn in a sunghnak Georgia state ah cun buan a co than khawh nakhnga, tiin phungningtein an thlakmi absentee ballots relchihmi kongah duhlonak a langhtertu Republicans lakah Senator Lindsey Graham, South Carolina, zong ai tel. Absentee ballots an thlakmi hi cohlan awk an tlak lo. County dihlak ah hin ballot cung an minthut ai kalhmi tor le cheng a um. Cucaah, cu county pawl i absentee ballots paohpaoh cu state secretary nih a hnonpiak dih hna awk a si, tiin Mr Graham nih a chim.

Cu kongah cun Monday ah khan Mr Raffensperger a aiawhbiachimtu bia an hal nain a let hna lo. โ€œPhungningtein thlakmi ballots hnonpiak khawhnak lam kawl dingin Mr Raffernsperger hi ka fial bal hrimhrim lo,โ€ tiah Monday ah khan Mr Graham nih Capitol Hill i thawnglatu hna sinah a chim.
โ€œCu bang cu a sullam hrim a ngei lo. Mr Raffernsperger he tluangtlamtein bia kan i ruah, tiin dawkaw kei ruah ko cu. A tu bantuk i phungdangpiin ka bia a merhmi cu ka khuaruah lei a har,โ€ tiin Mr Gramham nih a chim.

Absentee ballot ai hmanmi votepetu pawl an dik le dik lo, ti hlathlainak system kongah Mr Graham le Mr Raffensperger hi biaruahnak an ngei bal ko.
โ€œMr Raffensperger hi a rian in i din seh. Election a tawlrel ning hrim a dik lo. Election a kutrii ning hi ing a puangtuk,โ€ tiin Trump a tanh taktak tu Georgiaโ€™s senators Kelly Loeffler le David Perdue nih an chim.
Mr Raffensperger hi a ngaingai ti ah cun a chanchung Republican a si pengi a si. โ€œElection kong i thil ai ningcanglo mi paoh cu ka hlathlai hrimhrim lai. Asinain, tutan election hi a tluang, a phichuak zong a hman,โ€ tiin Mr Raffensperger nih a chim.

โ€œDemocrats pawl nih namhnuul khawh dingin amah Mr Raffensperger lila nih pei lam a sialpial fam hna cu aw,โ€ tiin Georgia i Trump thazaang chuahmi vialte a tawlreltu Representative Doug Collins nih a thang a chiat.

โ€œMr Collins, nangmah hi mi lihchim le thil a thei ngai pungsan i ai umtermi na si,โ€ tiin Mr Raffensperger nih a vun phomh ve.

Georiga chungum county 159 i vote relthannak cu Friday in khan an thok cang i, tuzarh Wednesday zantim tiangah khin cun rian lim dawh an si cang. Monday zinlei tiangah khancun, 5 million vote chungin, 4.3 million ballots an rel cang, tiah state secretaryโ€™s office nih a chim.

County kip i vote relthannak an tuahmi a phichuak khong an hal nain office nih a let hna lo. โ€œCounty pakhat hnu pakhat ah vote cu an rel than ko i, tlawmtete ai kheelmi cu an um pah ko nain, cuhlan vote dirhmun a thlengkho taktak cu an si lem lo. Biden nih state ah buan a comi an let kho hlei lo,โ€ tiah Biden i a sihni Democrat Patrick Moore nih a chim.

โ€œKan ruahcia bangin, county dihlak ah vote relthannak an lim ngawt cang i, ai thlengmi thil tlawmtete cu a um ko na khin, tutiang ko rih ah cun Biden caah thawngtha a si peng ko rih,โ€ tiah phone in news conference an tuahnak ah Mr Moore nih a chim.

Floyd County i ballot thar an hmuhchuahmi vun zuh ah cun Biden nih teinak mark ai ngeihmi 14,200 in 13,300 ah a vung zor ve lai, tinak a si, tiah Mr Sterling nih a chim. A dang news phu nganpipi nih an chimmi zulh in, โ€œMark 16 ai ngeihmi Georgia ah Biden nih buan a coโ€ tiin The NY Times zong nih Friday ah khan thawng a thanh ve cang.

โ€œVote relthannak an tuah lio ah thilbuai pakhat Floyd County officials nih an hmuh. Cuccu zeidah a si, tiah cun, Floyd County elections director kongah ai palh ngaimi thil an hmuh. Cucaah Mr Raffensperger nih a rian in i din colh dingin director pa cu a chimh volh ve,โ€ tiah Mr Sterling nih a chim.

Minung kut bakin vote hi relthan siseh, tiah Mr Raffensperger cu Trump campaign nih ca an hei kuat. Ca a hmuh tlawmpal ah vote relthannak tuah dingin Mr Raffensperger nih nawl a chuah colh ve. Asinain, minung kut in rel si lo in, computer in rel a si, tiah a office riantuantu pakhat nih a chim.

Cu tikah, Georgia i thil a cangmi (seh in relmi) kongah Trump zong a lung a tling ve lo i, tutan zarh ah khan Twitter in hi bangin a tial: โ€œVote relthannak an tuahmi hi lih le hrokhrawl a si. Zeihmanh a si lo. Zeicahtiah Georgia nih hin minung min ai khah le khah (match) lo zoh a kan senh lo,โ€ tiin Monday ah khan President Trump nih a tial.

Absentee ballots cung i minthut cekhlatnak tuahnak kong he pehtlaiin zulhphung (rules) an tuahmi kongah tuantein khan Trump a lung a rak tling lo cia cang. Cucaah, tutan i a nehhnungbik Twitter in ca a tialmi zong hi kong hi a sawhkhih duhmi a si, ti a lang. Asinain, absentee ballots hi a lenglei ah minthut ciami cabawm in a ra mi a si caah, minung kut in vote relthannak tuah tikah an minthut cekhlat khawh a si ti lo. Cu bantuk minthut pawl cu County election officials pawl nih an cekhlat tawn. Cu hnu lawngah cun, a chung ummi ballots cu cabawm chungin an vun chuah i, votepetu a sining tak zohfelnak an tuah khawh ceu khi a si.

Georgia pumpi ah rel than cuahmah lio mi a taangmi capar ballots minthut cekhlat a haumi ballots sinin an then, kaadangte ah an chiah hna. Fulton County – Hi county hi Georgia counties vialte lakah minung an chahnakbik a si i, Atlanta hmunhma tamdeuh cu a chungah a khumh. Sunday ah khan vote relthannak an lim cang i, vote 528,000 hrawng cu kut bakin relthannak cu an tuah i, thilbuai tlawmte cu a um ve ko, tiah officials nih an chim. Vote relthannak ah cun Atlantaโ€™s downtown convention center hall chungah cun riantuantu za tamial nih ballots tom cu an rel.

โ€œTutiang ah cun vote relthannak kan tuahmi a tluang ngai ko,โ€ tiah Georgia i a cheukhat a nganmi county nih an chim. Atlantaโ€™s seatern lei ah a ummi minung an chah ngainak DeKalb County zong nih Sunday ah khan vote 370,000 rel an lim ve cang. โ€œZeihmanh i nincanlonak a um hraw lo,โ€ tiah officials nih an chim.

โ€œCobb County ah a tam taktakmi kan ballot cu kan rel than dih cang. Asinain, Monday ah khin tuah rih dingmi rian kan i ngeih rih. Tuan i a phichuak a thleng khotu ding neh le nang a um lem lo,โ€ tiin county aiawhbiachimtu Ross Cavitt nih a chim.
Vote an relthanmi namhnehnak a tuahtu Counties pawl zong nih thil pakhat khat ai ningcang lo mi a um than sual pingpang ah cun, relthannak lim dingin nithla an tukmi Wednesday hnu zongah namhnehnak an tuah than lai, tiah thawng theih a si.

Georgia state pumpi i vote results namhnehnak tuah dingin nithla an tukmi hi Nov. 20 a si. Cu an tukmi nithla hnu cun, amah Georgia law ning te ah, vote an hmuhmi hi hnarcheu tluk in an i thleu a si ah cun, avoihnihnak vote relthannak tuah khawh than dingin nawl an chuah (Tutiang ah cun 0.28% hrawngin Biden nih a Lead ko rih).

Cu ti i avoihnihnak vote relthan a si tik belte ah cun, minung kut in rel si ti lo in, computer in scan tuah i rel a si cang lai. Chelsea Bawi

Be First to Comment

Leave a Reply

Your email address will not be published. Required fields are marked *