Press "Enter" to skip to content

๐—” ๐—ฅ๐—ฎ๐—น๐—ฎ๐—ถ๐—บ๐—ถ ๐—–๐—ผ๐˜‡๐—ฎ๐—ต ๐—”๐—ต ๐—ฃ๐—ฟ๐—ฒ๐˜€๐—ถ๐—ฑ๐—ฒ๐—ป๐˜ ๐—›๐—ถ ๐—ง๐—น๐—ฎ๐—ป๐—ด๐—บ๐—ถ ๐—” ๐—ฆ๐—ถ ๐—ž๐—ต๐—ผ | Tluang Lian Hnin (Yangon)

Union Level in mi tamdeuh nih rak ruahmi NLD nih teinak a hmuh than cang, Landslide bakin a tei than i 2015 nak hmanh in tam deuh a tei tiah unofficial cun media nih langhter a si cang – UEC nih official in achuah te ding he zong ai dang theng lai lo dah. Hluttaw ah Opposition lei an tlawmmi belte hi a poi ngai. Kawl party a hmedeuh pawl hi a hlei in a sungmi an si. Tlangcung party ah cun SNLD, ANP, PNO, Mon Unity Party, KySDP tibantuk nih a za tawk cu an hmuh (nain atlawm thiamthiam), cun a dang party e.g. CNLD, Kachin, Karen, Wa etc zong Seat pakhat cio paoh cu an hmuh.

Nov 4 2020 press conference ah President’s Office in U Zaw Htay nih ara lai mi cozah cu National Unity Government serding timhtuahnak a um an rak timi kha NLD nih teinak a van hmuh tak hnu in tlangcung party 48 political parties cu ramkomh cozah sernak dingah an sawm hna (12 Nov, 2020 from Dr. Zaw Myint Maung). Mah cu coalition government kan rak timi khi siloin, seat hmu he ahmu lo he sawm in serding phun khi a si. Zeibantuk Arrangement dah si lai timi cu chim ding a tuan rih.

Ralkap le cozah nih terrorist group ah an chiahmi AA nih thimnak ai tel lo mi myone pawl zong 30 Dec 2020 hlan tuah ding in nawlnak ca an chuah. Ralkap le cozah zong nih an cohlan cang hna, a hlei in ‘terrorist’ timi biafang an hmang ti lo, Shan lei zong tuah piak than ding an ti. Mah hi significant ngai a si. Atu an chimmi thimnak tuah ding hi by-elections khi a si lo, by-elections cu cozah ser dih hnu ah tuahmi a si (kum khat hrawng rauh hnu ah). Atu cu UEC nih Security ruangah 8 Nov rak tuah khawh rih lo mi pawl caah, tuah tthan ding khi a si, mah cu Pyidaungsuh cozah le Pyine cozah ser dih hnu ah tuah te dawh in a um.

NLD nih landslide in a tei caah amah duhning tein cozah sernak nawl a ngei ko nain, a tubantuk NUG tuah ding timhlamhnak an ngeih mi hi kawlram huap caah thawngtha ngai a si tiin hmuh khawh a si. Ralkap lei zong an bia-an thadeuh, cun Peace Process lamthluan zong a hlan nak in rang deuh, fel deuh in a kal kho te lai timi zumhnak a um – cu nih cun Federal le Phungram remhnak tiang a chuahpi te khawh hnga.

NUG tuahnak ding kongah chimchung a har ngai rih. Sawmmi party hna lei zong nih bialehnak an tuah rih lo, zei kong an i ceih lai timi theih khawh a si rih lo. Cun NLD nih NUG a timi hi zeibik khi dah asi hnga timi zong chim har rih. Asinain, keimah ka tuaktannak ah cun a ralaimi cozah ahhin President hi tlangcung mi a si te theo lai ka ruah. President ding ahhin a fit mi Candidates tampi an um len ko lai nain, tlangcung mi chung ah cun Pu Van Thio hi a Experience, theihhngalhnak, fimcawnnak le a sining zoh ahcun ai tlakbik mi Candidate pakhat ah ka hmuh ning a si. Cun NUG a kalpi dingmi ahhin tlangcung party (SNLD, ANP etc.) hna zong 2015 bantuk siloin, hmunhma zong pek te khawh dawh muithlam ka cuanter pah fawn.

A tawinak chim ahcun, 2020 thimnak nih a chuahpi mi cozah thar ahcun ralkap he ipehtlainak siseh, remdaihnak siseh, tlangcung mi covo kongah siseh, Covid-19 hnu siipuazi umkal ning siseh, ruahchannak a um ngai ko tiah ka ruah.

Salai Tluang Lian Hnin
(13 Nov 2020, Yangon)

Be First to Comment

Leave a Reply

Your email address will not be published. Required fields are marked *