Press "Enter" to skip to content

๐—–๐—ผ๐˜ƒ๐—ถ๐—ฑ๐Ÿญ๐Ÿต ๐—ง๐—ต๐—ฎ๐˜„๐—ป๐—ด๐—ฝ๐—ฎ๐—ป๐—ด ๐—ต๐—ฒ ๐—ฝ๐—ฒ๐—ต๐˜๐—น๐—ฎ๐—ถ ๐—ฆ๐—ถ๐—ฎ๐—ต๐—ฒ๐—ฟ๐—ต.

Coronavirus hi khuasik a duh ngai an ti caah Second Wave timi avoi hnihnak Covid19 tilet a chuak lai an timi cu a si. Khuasik a si ruang nakin hi caan ahhin miphun kip nih an sunlawihmi ni le caan a tam; Thanksgiving, Christmas, Kum Thar, le zei dang biaknak le nunphung puai a tam caan a si caah mibu i tonnak a tam lai i a karh lai ti kha a si ko.

USA kan zoh si cun tuni khan USA siizung ihkhun lakah 10% leng hi Covid19 mizaw zual an si ti a si i a minung in 100226 an si tiah The Coivd Tracking Project (zaanghlei cawi phu) nih report a tuahmi The Atlantic nih a ttial. November 2. ah khan 2700+ an thi. COVID-19 ai thawkka nakin September dih October khan biatak ngaiin a karh i USA election ah tamtuk an i chonh ti a si. Thanksgiving ah khualtlawn le mibu iton a tam caah a karh ding thindawmh in an hngak ko.

USA ah Covid19 in 273000+ an thi cang le tu zarh in a ralaimi February ah khin 150000 in 200000 kar an thi chap lai tiah an tuak.USA lawng a si lo. UK, Norway le Europe siseh South America ah a karh tuk ve. COVID-19 a tawlrel ning ah an thangthat ngaimi S. Korea zong November zarh ah khan a hun karh. Suu Kyi zong Covid19 a tawlrelmi thawng in 2020 thimnak a tei khun ti tiang an ti phah nain Election theipar ah minung sing khat hrawng an i chonh cang. An karh cuahmah rih lai, a ruabg cu thimnak a dih cang i a daithlang deuh pinah ramm zong an i ralring lodeuhmi a van lo.

Covid19 raikhamsii hi ram tam nawn nih ser an i zuam, ram tthawng pawl an i zuamcawhnak phunkhat ah a hun cang. Russia nih cun an sermi a chunh pah cuahmah cang hna. Tuluk zong nih a sermi a chunh hna kong thawng a chuak lo nain a chunh (hneksak) hna lai ti an ruah. Democracy ram ah cun UK (England) hi a hmasabik Covid19 raikhamsii a cohlanmi ram a si i mah zong cu an lungdongh tuk ah a si, chunh hmasa ding timi chung in mah lungtho tein a duhmi an chunh hmasa hna lai.

Zeiruang ahdah USA, Norway le EU nih hi raikhamsii hi a cohlan an i harh?Pfizer & BioNTech sermi siseh Moderne nih an sermi zong 90%+ a ttha ko an ti nain cozah nih an cohlang ngam rih lo. COVID-19 a khamh zong ah zawtnak dang a chuak sual khomi a si caah biakhiahnak a tuahtu cozah caah thil fawi a si lo. Ramm chung zong in raikhamsii cung ah za ah za rinhchan ngamnak a um lo caah a si. Sihmanhsehlaw, hi zawtnak khamhnak caah sermi a si ko caah hman cang ding in kakip in an hun nam chih cang hna.

USA president hlun Bill Clinton, George Bush le Barack Obama zong nih Coronavirus raikhamsii hi cozah nih a cohlan nakding caah zapi hmai TV ah lungtho tein kan i chun lai tiah min an i pe cang. Mah cu rammi nih Covid19 raikhamsii an rinhchan ngam i an i chunh cio nakding ah a si, an ti. Mah raikhamsii hi ttih ding a si lo, a him ko ti kha rammi forhfial le thapek an duh caah a si.

Zei si paoh ah ruahchannak a um ko. I thim khawh ding in raikhamsii phun thum-li an ser i a tthabik an i zuam caah kum thar ah cun ni thar le caan thar kan phan ko lai. Kan i hrim kho tthan hna lai.Cu karlak belte ah lung dong lo in pakhat le pakhat kar minung hawi zawnruahnak he zatlang ah khuasak khawh i zuam hna usih. Cozah nih an sermi phung zulh i zuam u sih. Chrismas lai a si, mibu i ton hrial khawh ah a tthabik, cun chungkhat i tlawnkai zong ah a si khawh chung in inn khat khuasa tti lomi paoh meter khat dan in um khawh le kuttawl philh lo ding a si. A si khawh ahcun a herh bak lawng ah lengchuah le mibu sin ah kal ah a ttha, kal lo paoh a ttha tinak.Ca van tial lengmang a har caah sau nawn in ka van tial. A reltu nan ca ah thahnem si cun kan i lawm. Chuntha u law.Teirial catial tu

Be First to Comment

Leave a Reply

Your email address will not be published. Required fields are marked *