Press "Enter" to skip to content

๐—ง๐—ฎ๐—น๐—ถ๐—ฏ๐—ฎ๐—ป ๐—Ÿ๐—ฒ ๐—จ๐—ธ๐˜๐˜‚ ๐—–๐—ต๐—ฒ๐˜‚๐—ธ๐—ต๐—ฎ๐˜ ๐—–๐˜‚ ๐—ง๐—ฟ๐˜‚๐—บ๐—ฝ ๐—ก๐—ถ๐—ต ๐—” ๐—ง๐—ฒ๐—ถ ๐——๐—ถ๐—ป๐—ด ๐—”๐—ป ๐——๐˜‚๐—ต: ส™ส Sษช Bแด€แดกษชแดแด€ษดษข Lษชแด€ษด

“Trump nih USA thimnak hi a tei la_______nistan in an chuak lai tiah kan i ruahchan,” ti in Taliban aiawh biachimtu Zabihullah Mujahid nih CBS News a chimh [a tangbik ah link um].
American le NATO ralkap Afghanistan i an umnak a ruang cu anmah le mah “the Islamic Emirate of Afghanistan” ai timi hriamtlai phu Taliban nih an ram cozah an buaihnawh i ral an thawh caah a si bik. USA ramdang poliแนญik caah a biapi bik pakhat a si. President a chuak tharmi siseh, thimnak zong ah an kong hi biapi ngaiin an chim แนญheo.

๐—ง๐—ฎ๐—น๐—ถ๐—ฏ๐—ฎ๐—ป ๐—ป๐—ถ๐—ต ๐—ง๐—ฟ๐˜‚๐—บ๐—ฝ- ๐—ฏ๐—ถ๐—ฎ๐˜๐—น๐—ฎ๐—ถ๐—ต “๐—”๐—บ๐—ฒ๐—ฟ๐—ถ๐—ฐ๐—ฎ ๐—™๐—ถ๐—ฟ๐˜€๐˜” ๐—ต๐—ถ ๐—ฎ๐—ป ๐˜‚๐—ฎ๐—ฟ ๐˜๐˜‚๐—ธ ๐˜๐—ถ ๐—ฎ ๐˜€๐—ถ.
“America first hi a hramthawk tein ai tlaihmi bia a si. Mah nih a langhtermi cu USA hi Vawleipi caah palik an si lo ti le แนญhantar pakhat hman แนญi, asiloah vawleipi caah ramhla pakhat i hrawm a duh lo ti a fiang,” tiah Mujahid nih cun a chim.

USA hi vawleicung ramkip rianแนญuan แนญinak ah hruaitu a rak si lengmang, thil ti khawhnak a rak ngei, uktu แนญha lo le covo buartu hna a rak hip khawh taktak ko hna. Asinain President Trump cozah tang ah ramkip fonh rianแนญuannak tete a chuah tak ngawt lawng si lo in a ram chung buainak tawlrel in caan a dih caah vawleipi i แนญhithruainak ah a huham le a thil ti khawhnak kha tam ngai a zor tiah ramkip pehtlaihnak lei fimthiam hna nih an chim theih a si.
Trump nih Afghanistan in USA ralkap kirter ding hi a chimmi a si caah Taliban nih an duh cu a si, i kum 19 chung cawl kho lo in USA le NATO ralkap nih an tuahmi hna hi an duh bak ti lo. Trump nih 2020 ah ka kirter dih hna lai a rak ti nain atu hi 5000 an um rih ko.

๐Ÿฎ๐Ÿฌ๐Ÿญ๐Ÿฒ ๐—จ๐—ฆ ๐˜๐—ต๐—ถ๐—บ๐—ป๐—ฎ๐—ธ ๐—ธ๐—ต๐—ฎ ๐—ฅ๐˜‚๐˜€๐˜€๐—ถ๐—ฎ nih social media in aa thlak i Hillary Clinton a tlin lo nakding caah heh tiah an rak i zuam timi cu CIA siseh FBI zong nih Trump president a ttuan chung ah an fehter. Cu lawng silo in tutan thimnak zong ah Russia Hacker nih an tuaitam แนญhan ti kha a hnubik President Debate ah an chim. Atu cu Russia lawng a si ti lo, Tuluk zong ai tel. Iran nih a bawmh ve hna ti a si.

[USA president tuanbia ah Trump lawnglawng hi Dictator a thangthattu zong a si. Putin, Kim, Saudi-Arabia, Durterte, Gadhafi, Saddam te hna a thangtthat bal hna.]
Donald Trump nih thimnak ah ai tlaihmi bia “America First le MAGA” nih a chuahpi ding hi Russia a rak i fian caah Trump a tlin ding hi an rak duh tuk tiah vawleicung pehtlaihnak theitu hna nih an tuaktan. USA kong ah an buai lai i ramkip fonh rianแนญuannak ah USA a thader lai ti kha an rak ruah ti a si. President Trump nih US cozah a tlaih chung ah Russia hi ramkip fonh bu ah siseh US cozah zong nih an dinhdor i an ram phunghram thleng in a nunchung president แนญuan khawh nakding zong USA nih a sawisel lo. Cucu Putin nih a duhmi a si.

An rak ruahning bantuk in Trump nih UN rianแนญuannak zeimawzat a chuahtak, WHO a chuah tak, Paris Agreetment a chuahtak, NATO ram pawl a tlirhkhonh hna tibantuk tete nih USA hawikom ram pawl lung a nuamhter lo. Cun ramkip fonh bu pawl ah hruaitu dirhmun kha Tuluk, UK, Germany le France tibantuk nih an hun lakdeuh cang. Cu tikah vawleicung i a rak lor kho tuk ti lomi Russia, Tuluk, North Korea le Uktu chia pawl an zalong deuh. Cucaah tutan thimnak zong ah Trump a tlin ding hi an duhdeuh. A bik in Trump hlan USA cozah nih Tuluk i China-sea ah ralkap thazang a sermi khi an rak doh, an rak en i an buai hnik nain atu cu Tuluk nih zalong tein a แนญuan.

Mah miphun le ram pakhatnak ah chiah ding, ram pakhat ah miphun ngan hna nih uknak tlaih ding an ruahnak, nawlngeihnak tlaih i covo zong zeipipa ah chia lem lo i uknak tlaih te hlan i UN i rak buaipi tawnmi ram le uktu pawl nih an duhmi a si caah Trump nih “America First le MAGA” a timi cu an uar tuk ti a si. An zolonnak caah a แนญhat bantuk in America a buaipi kar ah tlangtla tu ram แนญhawng a um lo hi an duhmi a si.

๐—ž๐—ฎ๐˜„๐—น๐—ฟ๐—ฎ๐—บ ๐—ฐ๐—ฎ ๐˜‡๐—ผ๐—ป๐—ด ahhin Trump president a si hi a แนญhatnak nakin a แนญhat lonak a tamdeuh lai tiah ruah a si. American company pawl le rianแนญuannak hi Trump-America First ruang ah tampi a zor tiah an tuak. Hi ruang ah Tuluk nih Trump tei ding a duh, i cu tikah NLD cozah zong nih biatak tein Tuluk hi a ban, i ai bochan. Tuluk nih Kawlram hi a mit fang bantuk in a zoh lio caan a si i USA ah president Trump a si rih ahcun a ralaimi kum li chung ah thil a duhmi tampi Kawlram ah a tuah khawh ding ai ruahchan.

Chinmi a hleiin Trump president a แนญuan chung ah Malaysia, India, Thailand le hmun dangdang i ai dormi ralzam hna nih an tuar khun. Coronavirus ruang lawng si lo in a ralaimi kum ah Trump president a si rih ahcun USA um Chinmi zong nih nu le pa, unau, fale i lak an i harh ngaingai lai timi a fiang. Asinain Chinmi tampi nih Trump nih a peh ding in thla an cam. A reltu nan um ahcun, kan แนญial แนญhan te lai. Comment ah nan hmuhning chim cio ve u law theihtlei kan i chap hna lai.
Teirial Catial tu

Be First to Comment

Leave a Reply

Your email address will not be published. Required fields are marked *