𝗩𝗮𝗻 𝗛𝗹𝗲𝗶 𝗦𝘂𝗻𝗴 𝗟𝗲 𝗧𝗵𝗮𝘄𝗻𝗴 𝗕𝗮𝘄𝗶 𝗡𝗶𝗵 𝗔𝗻 𝗜 𝗨𝗮𝗺 𝗞𝗵𝗼 𝗧𝗶 𝗟𝗼

𝗩𝗮𝗻 𝗛𝗹𝗲𝗶 𝗦𝘂𝗻𝗴 𝗟𝗲 𝗧𝗵𝗮𝘄𝗻𝗴 𝗕𝗮𝘄𝗶 𝗡𝗶𝗵 𝗔𝗻 𝗜 𝗨𝗮𝗺 𝗞𝗵𝗼 𝗧𝗶 𝗟𝗼
_________
“Mah le ti khawh tawk tein kan i zuam ve zong ah theihpiak (Recognize) a um lo,” tiah hlasa Van Hlei Sung nih P. Thawng Bawi page a Share pah in a chim. P. Thawng Bawi nih Online Live in mipi caah Show tuah a harning le an hmuhmi lawm man asiloah an i zuamnak theihpinak a um lo zia kha a pumpak Facebook​ Page ah a langhter.

“Thawngtha chimtu pawl cu kan i lawm, Pathian nih thluachuah in pe ko seh ti lawng in kan sia a rem cio lo. Cu bantuk cu Hlasa pawl zong hi miphun caah kan ttuanmi a si le phaisa zong kan ngei lo le Bawipa tu nih miphun caah in hmang chin ko seh tiin kan i zat awk a si ti lo,” tiah a chim.

Vawleicung fimthiamnak hi anmah le tawk cio in man an ngei dih. Zungthiamnak a simi hlasak, musics tum, catial te hna le zeidang design in graphic tibantuk hna hi Chinmi nih man kan ngeihter ve a hau cang. Alak lawngte in fial le hal le tuahter hna hi miphun caah tthan cho lonak an si tiah mifim ram nih an i fiang hna.

Hlasa Van Hlei Sung nih “Alak in zeihmanh ngah ti lo,” tiah Thawng Bawi nih phihlik khengtlang vel in a ttialmi cu tlang khat in a tlang kawm piak.

Interview tu cu a man pek taktak in hal hi a tlawm private kong tiang i hal a si lo ahcun, le interview tuah pah in hlasak fial ahcun hla a sak man cu pek ding hrim a si, i pek lo ding ah cun fial lo a ttha ngaimi a si ti kha kahin kan vun drikamh hna. Miphun caah si khawh tawk cio in i pek caan a um, thiamnak i theihpi caan a um ding hrim a si ko. Foto: VHS, P. TB / Private/ Facebook