Press "Enter" to skip to content

๐—ญ๐—ฒ๐—ถ๐—ฟ๐˜‚๐—ฎ๐—ป๐—ด๐—ฎ๐—ต ๐——๐—ฎ๐—ต ๐—–๐—ฎ๐—ฟ๐—ฒ๐—น ๐—” ๐—•๐—ถ๐—ฎ๐—ฝ๐—ถ๐˜? | by Henry Nawlthangbik Hlawnceu

Ahopaoh nih carel a tha, a biapi tuk, ti kan theih. Asinain, zeiruangah dah a biapit, ti hi hon chim cio si sehlaw, kan chimmi aa dang cio lai ti ka zumh. Cun, kan ruahning nakin a hardeuh kho men.

A tanglei ah hin carel a biapitnak zeimawzat rak rel ve. Ka hrelhmi um ahcun von chap chin te.

Carel a biapi, zeiruangah ti ahcun;

1. Biafang thar a kan chap
2. Fimnak a kan chap
3. Carel deuh hi an phaisa hmuh tam deuh
4. Lungretheihnak a zorter (stress)
5. Carel deuh paoh carel an i olh deuh/rang deuh in an rel khawh
6. Theih-hngalhnak a kauhter
7. Biaruah thiamnak a kan chap
8. Carel tam deuh paoh an chan sau deuh
9. Thluak a thatter deuh
10. Thuak zawtnak a kham
11. Carel tam deuh paoh mi thinlung an la kho deuh
12. Thinlung a thawhter, a nuamhter
13. Mi zawnruahnak a karhter/caa tam deuh a reltu pawl hi mi zawnruahnak an ngei deuh
14. Ih hmu a thawtter deuh
15. Tinhmi fiang deuh in a kan hmuhter

Relchap a duh mi hna caah:

Sunghnak kan tonmi hna hi hmailei kan ca i thatnak tu kha a rak si tawn. Zeicatiah kan sungh zatlaknak kha kan i hngalh. Cucaah i zuam duhnak thinlung kan ngei than. Cu kan i zuamnak ah cun teinak zong kan hmu than tawn. Cu bantukin tutan ah Aung La N Sang zong nih sungnak a hmuhmi hi kan ngeih cu a chia cia ko lai. Sihmanhsehlaw theinak cu Bawipa kut chungah a ummi a si bantukin ni khatkhat ahcun a tei than hrimhrim lai ti zong zumhnak kan ngei than ko. Bawipa tunih a ngeihchiatnak ah hnem ko seh..

Zeithil paoh hi kan thaa a chiat dih awk a si loh. Theinak taktak hmuh duh ahcun sunghnak a um hmasa awk a si ko. Zeicatiah vawlei cungah mi vialte nih hin keimah aa timi lawngte kan si dih hna.

Cu tluk in mah le mah zumhnak a ngei ciomi kan si caah hin kan chanbaunak hna hi kan i hngal tawn loh. Cu tikah sunghnak kan van tonmi nih hin kan chanbaunak cu a thar in a kan hngalhter than. Cu kan chanbaunak cu Bawipa sinah a thar in kan hal than i Bawipa nih thinlung thar, ruahnak thar le thazaang thar a kan pek than caah zuam duhnak thinlung, a thar in kan ngei than i teitu zong kan hung si than tawn..

Cu bantukin Aung La N Sang zong nih Bawipa Pathian sinah hitin hin a hal. Cucu hihi a si. Teinak cu Bawipa na kut chungah um. Atu lawngah a si lai loh. Ka thei than hrimhrim lai.

Bawipa kan bochan tiah a zumhmi Pathian sinah a hal. Cucaah Aung La N Sang zong nih teinak a hmuh than hrimhrim lai. Cu bantukin nangmah le keimah zong sungh zatlaknak kan tonmi nih hin kan chanbaunak kan ngalhter zungzal sehlaw. Bawipa Pathian sinah thazaang thar a hal than kho zungzal mi si hna u sih. Cu lawnglawngah teinak taktak cu kan hmuh ve lai ee..

Unau kan tonmi sunghnak hi theinak lam a kan hmuhsak tu a rak si tihi philh hrimhrim hna hlah u sih. Careltu nan dihlak cungah ka lawm tuk ee..

Be First to Comment

Leave a Reply

Your email address will not be published. Required fields are marked *