Press "Enter" to skip to content

Mindat Khua Pawl Cu Zaangfak Tuk Hringhran An Si Mu Maw Ka Thin, Zeitluk In Dah Nan Tuar Mu>>>>>>>

Kahdohnak Ruang ah Mindat Peng Khuami pawl an Zaam Chap Hna
————

Mindat peng chung kahdohnak ruang ah khuate khuasa pawl nih nikhua chai le ruahsur lak ah an innlo an zaamtak tthan hna.

Nihin zaanlei sml. 4:30 hrawng zong ah Mindat-Matupi karlak meng 60 zawn ah kahdohnak a um.
The Chin Journal
July 23, Yangon
Photo-CJ

Nizaan Mindat ah Inn Pakhat a Kaang
————-

#Updated [12:40pm, July 23] – Minung pakhat a nunnak a liam i, a dang pakhat hliamhma a pu. Pafa an umnak inn a si i, a fapa a nunnak a liam. A pa hi hliamhma a pu.
————
Nizaan sml. 11:00 hrawng ah Mindat khua ah meithal puah thawng le bomb puah thawng a than hnu ah inn a kaangmi a lang in an hmuh i inn 4 a kaang tiah an ruah.

Mindat zatlang bu riantuantu pakhat nih, “Nizaan ah inn 4 a kaang tiah kan ruah. Asinain, nihin zing ah inn pakhat lawng a kanghmi kan hmuh,” tiah a chim.

Zaanmui lak ah SAC ralhrang nih a cawlcaangmi paoh meithal in an kah caah innkangh lio ah mi an chuak ngam lo i thil sining fiang in an thei kho lo.

Nizaan ah mithi zong an um tiah Mindat khuachung ah bia a leng nain cu zong cu fehter khawh a si rih lo.

The Chin Journal
July 23, Yangon
——-

Be First to Comment

Leave a Reply

Your email address will not be published.