Press "Enter" to skip to content

A Biapi Taktak Mi A Si! A Tulio Kan Dothlennak Ah Kan Ral Ngan Bik Cu Zuu A Si, Mah Bantuk Kan Um Sual Cun Kan Nunnak Tiang Tih A Nung

Kan dothlen lio caan ah zuu ding bu in ral kan tuk tikah 90% hi cu sunghnak lam a nai deuh tihi mifim tampi nih an ruahmi le an hmuh chuahmi a si! Cucaah, kan dothlen cuahmah lio ah hin cun kan pasaltha hna nih hin zuu cu kan tei piak hram uh tiah a tanglei he pehtlai in langhter ka duhmi a si.

Zuu hi kan nunnak a kan thah tu bak a si! A dongh tiang rel ve hmanh! India Ram Ah Zu Din Sualnak In Minung 40 Leng An Thi Cang!: India ram nitlak lei ah zu(alcohol) dinsualnak in minung 42 an thi i, minung 100 fai siizung an phan, tiah ṭuanvo ngeitu palik nih July 28 ah an chim. Phunghram nih a onh lo mi zu a zuartu pawl cu tlaih ding in cozah nih nawl a chuah colh.

Gujarat ramkulh khua cheukhat ah an zuar mi zu pawl cu Methanol tam tuk aa tel i, zu ding pawl nih an i din sual ruangah tuzarh chung lawng ah minung tam ngai zawfak in an um, tiah theih a si.

 

Zu dinsualnak hin Botad pengkomh in minung 31 an thi cang i Ahmedabad pengkomh zong in minung 11 an thi cang, tiah palik ṭuanvo ngeitu hna nih an chim. Mining 97 cu siizung ah an i thlopbul lio a si i minung 2 cu an zualhma ngai, tiah theih a si.

Prime Minister Narendia Modi a chuahnak Gujarat ramkulh cu India ram ah zu zuar le din zong an khapnak hmun pakhat a si. Ṭuanvo ngeitu hna nih Gujarat ramkulh i phung ning loin on mi zudawr vialte cu an hrawh dih i, a zuartu zong an tlaih hna, tiah theih a si. Credit; The Chin Post

RELCHAP; SAC Ralkap Nih Gangaw Peng le Zotung Lei ah Rallam An sial I Khuami 30 Hrawng An Tlaih Hna!: Magwe ramṭhen, Gangaw peng in Chin ramkulh Matupi peng Zotung ram lei ah SAC ralkap hna cu July 24 in hmunhnih ah rallam sial in khuami 30 hrawng an tlaih hna, tiah theih a si.

SAC ralkap hna cu Zotung ram, Zungnat (ယုံနက်) khua in Tilaw (တီလော) khua lei ah rallam hmunkhat in an sial; cun Gangaw le Zotung ramri Zipia(ဇီးပြား), Antta(အန့်တာ) le Ramsi (ရမ်စီး) khua lei ah lut in Ramsi (ရမ်စီး) khuami 30 hrawng an tlaih hna, tiah Supreme Council CDF-Zotung in ṭuanvo ngeitu pakhat nih a chim.

Ṭuanvo ngeitu nih cun, “Hmunhnih in rallam a sialtu SAC ralkap hna cu minung thazaang 80 hrawng an si i, phu khat cu Ramsi (ရမ်စီး) khua pawnghrawng chekhlatnak le thianhhlimhnak an tuah dih hnu ah Ramsi (ရမ်စီး) khuami 30 an tlaih hna, a dang phu khat cu Tilaw (တီလော) lei ah an kal,” tiah a chim.

“SAC ralkap hna nih rallam an sialnak lampi Zipia (ဇီးပြား) le Antta (အန့်တာ) khua kar ah aho si theih lo miruak 2 hmuh a si i, SAC ralkap kut in nunnak liammi an si lai.

“Rallam sialtu SAC ralkap phu khat cu Ramsi (ရမ်စီး) khua pawng ah cawlcanghnak an tuah i, a dang phu khat cu Tilaw(တီလော) in Rezua – Matupi lei hoih in an kal lai tiah zumh a si,” tiin Supreme Council CDF-Zotung in chimphuannak nawlngeitu nih cun a chim.

Tualchung mi hna cu SAC ralkap rallam sialnak hmunhma ah khualtlawng lo ding in le um kallo ding in Supreme Council CDF-Zotung nih ralrin peknak zong an thanh cang. SAC ralkap hna nih cun a luancia July 20 in Gangaw le Htilin peng phone line le internet line an thah caah tualchung thawngpang le thil sining fiang in theih khawh a si lo. TCP

Be First to Comment

Leave a Reply

Your email address will not be published.