Press "Enter" to skip to content

A Cu Celngel Cu, An I Thitumnak Ding Nikhat A Duh Bak Ah A Nungak Nu Nih A Thih Tak

An Puaituahnak ding Nikhat Aa Duh Bak ah, Puai Caah A Herh Mi An Zalhnak Ah Vanchiatnak A Tong Mi Hna Khuahkhat Hi Zaangfak le Ngaichia te Bak An Si Ko.

Nu Pakhat Nih A Nun Chung ah A Ngeih Mi A Chunmang cu a duh mi Pa Pakhat he pathin hmai le Minung hmai ah a thiang thitumhnak tuah hi a si. Nu a si mi poah poah nih cu mah ni le caan hi an i ngaih bak ve mi Ni le caan a si tah cun ka palh lai ka zum lo. Nu lawng zong si theng lo in Pa zong Tel Chih a si ko. Chim duh bik mi cu Nu ca hin a si khun.

Cu Bantuk Ni le Caan Hna cu kum zei maw zat hngah hnu ah le timhlamhnak tha ngeih bu in hman a zuam mi tam pi an rak um ve i, zei rel theng lo in a ruat mi zong um si ve ko. sinain, kap hnih chungkhar tlung tein a si pin ah mah le mah a duh daw bak mi si chinchin ah hin cun thin hi a tur khun i, i ngeih tuk hi a si tawn theu.

Si nain, Minung Hi kan thih ni caan a phak ah cun Ni Le caan hna ngang lem lo in, vanchiatnak nih a phak mi hna zong hi an um theu tawn, cu bantuk vanchiatnak nih a phak mi hna caah cun an caah, vawlei pi hi a mui i, zei ton hme ka ton ti in zanmang hei siseh law ti duh mi zong an um theu tawn.

Tutan zong a duh mi nungak le tlangval hna cu kum saupi kum 7 chung bak te duhdawtnak he kar an hlan hnu ah, an i tuak i ni an i khiah mi caan ah an chunmang le an saduhtah cu a tak in kan hmang lai tiah an i timhlamh cuahmah lio ah van chiatnak nih cun a vun den hna ai, ngeih a chia hringhran ka ti.

Thaizing bantuk ah An ni e caan cu a si i, a tu nih bantuk ah an herh pang zalh an kal pah ah motor accident an ton caah, nu cu a hmun ah a thi colh tiah theih a si. tantak mi a dawttuk mi ka darling caah zeitluk in dah a va fah lai ti ruah ah hin celh a si lo.

kum s7 chung sak mi duhdawtnak cu mithep kar te ah a dih ai ko mu, hi bantuk vanchiatnak hi mi zei kan si hmanh ah a phan kho lai lo tiah chim khawh a si lo bantuk in, a zei kan tuah mi poah hi zumtu nih cun Pathian sin ah bawmhhal hi a biapi Ngai ko Mu.

Be First to Comment

Leave a Reply

Your email address will not be published. Required fields are marked *