Press "Enter" to skip to content

A Darling A Nu Le A Nau A Thah Hna A Ruang

Chicago i ummi pa John Mathews kum 25 pa le a nungak nu Shonta Harris kum 24 minih cun breakfast kan tuahpiak lailo a ti ruangah buainak a chuak i hi thil ruangah hin lainawn nak fak taktak a tlung. John Mathews le a nungak nuhi kum 2 chung hrawng an i zul cang i zingkhat cu breakfast tuahpiak manh lo ruangah le a nungak nu nih a sam a ttamhpiak lo ruangah hiti bantuk i, i thahnawn nak a chuah hi a si.

A nungak nu Harris he bia an i el ahhin ruahlo piin Harris cu a hmai ah a bengh colh, hi liao ahhin a pi zong a umve i Harris cu a pi nih lengah a chuahpi colh. Harris nih a nu chonh i bomhhal dingin a phone a van chuah i John Mathews nih a phone cu a chuh i a hrawhpiak colh.a pi nihcun a phone a hlanh i a hnu ahcun a pi phone hmangin a nu cu a chonh khawh tthan.

Harris nu Frances Neal le a nau Jasmine Neal hna cu Harris hlam dingin an ra colh ve i Mathews nihcun inchung luh zong a sianh hna lo, an fate thla 4 mi zong tawng hlah uh a ti hna i a naunu cu nam in a rak sawh chih thluahmah. Frances Neal nihcun 911 a call colh, ticun an buainak cu a sosang chin lengmang i Mathews nihcun a taisawm karlak i ai tenhmi meithal cu i lak zau in a nungak nu i a nu Frances Neal cu voi 7 khengte a kah i a nungak Harris zong a ttangah voikhat a khen.

Harris nau Jasmine cu zam ai timh liao ah a tleih i a lu bakah a kah colh. Harris cu a rannak in sizung ah an kalpi colh nain a hliamhma a fahtuk caah a tuar kho tilo i a nunnak a liam colh. Harris a nu le a nau nu Jasmine cu an thi colh. John Mathews cu minung 3 a thah hna ruangah tleih a si i a kongkau ceihpiak a si lai.

Be First to Comment

Leave a Reply

Your email address will not be published. Required fields are marked *