Press "Enter" to skip to content

A Hman tuk An Ti Cio mi Thlakhat Chung ah Facebook In Kan Duh mi Nungak/Tlangval Ngahkhawh Colhnak Biathli (7)

Na kumkhua zoh tik ah nungak/tlangval ngeih le nupi/pasal ngeih na za tuk ko cang nain a tutiang single peng na si rih maw ? na hawile lak zong ah a luck lo tuk mi hmuh in hmuh pengmi na si sual maw ? hi ca hi a donghtiang rak rel law an bomh hrim lai . 1.Ei-din dawr (Restaurant) a sangmi ah na thut lio kha hman i thla law post pah ve Nangmah lawng a si ah na hawikom he nan si ah restaurant a sang deuhmi hmun na kal tik ah hman i thla lo in um men hlah.

Ai dawh khawh chungin hman i thla law cu na hmanthlak cu na facebook ah langhter pah ve , cuti cun na facebook chung i a um mi na friend pawl nih an thinlung tein an in upat lai i an thinlung ah a hlan nak in na cam deuh hrimhrim lai .2.Motor chung na thutlio ah i selfie pah ve : Na motor nai monghlio ah nangmah tein i selfie , a silo le taxi chung na thutlio hna asi cun a biapi ngaimi thil ah a kalmi na sinak kha langhter law , motor a ngei ko nain a ran nak in a rian herh ah taxi in a kalmi na si nak kha caption ah langhter pah fawn . Asilo le na hawikom motor ngeimi i sawm law na duh ning tiin i selfie pi law na facebook ah langhter pah ve.

Minung hi kan thinlung le ruahnak a rak i dan cio caah cupawl a uar mi nih cun an in uar lawlaw lai a fiang .3.Camera Affect a thabik mi pawl kha hmang hna Zeitluk in na mui a chiat hmanh ah na thilthuama tha bik mi nai hruk can te tal ah cun na camera thami te khan dawh tein hman i thla ve hrim hrim .Na camera a thatnak nih khan na muisam tampi a thlen lai i dawh ngai le duhnung ngai ah an siam ko lai.

Na facebook chung um mi na hawikom mit ah nai dawh ah cun an thinlungn ah na cam ve deuh cang lai i na caah lam tampi ai ong kho lai . 4.Duhdawt nak kong ah a hleivuang deuhmi na si nak kha na status langhter thiam pah fawn : A tlangpi deuh in duhdawt nak timi hi zangfahnak in ai thokmi a tampi ve .Pa tampi le nungak tampi nih cun darling a ngei bal lomi nu/pa hi an rak duh deuh tuk hna caah na cung ah zangfahnak thinlung lawng silo in an duh mi na si colh kho.

Lungleng ngai le ngeihchia ngai dawtu ngeilo na sinak langhter pah in hman i thla law na fb ah post pah lengmang . Cutik ah an tuarpi tu nih cun comment nak ah a rak langhter ve hrim lai i cunih cun lam tampi a chuahpi khawh colh fawn.5.Ramnung tete he hmanthlak i post hmang pah : Zeica tiah mi thinlung tha le mi toidor le micung i dawtnak a ngeimi poah nih hin ramnung hi an dawt hna ti a si bantuk in cu bantuk hmanthlak na post mi an hmuh ah cun nangmah cu mitha na si timi an fiang lai i , culawng silo in nangmah bantuk ramnung a duhtu nih cun an rak in komh colh lai.

6.Love react pek nai siang lai : Mi pakhat khat na duh a si cun cu na duhnak cu na thinlung chung lawng ah na chiah ah cun sullam a ngei kho ti lo . Cuca ah cun na duhnak cu na langhter ve hrimhrim a herh i bia in na langhter ngamlo hmanh ah a hmanthlak postmi tang te ah khan love react na pek lengmang lai i a rauh hlan ah na inbox ah na hmuh colh hrim lai . Zukua chung i ti toih bantuk a si an ti ko hih .Asi nain thinhung nawn in ai postmi pawl cu love react pe bak hlah.

7.Cele pawl na uarnak langhter tuk hlah : Cele pawl cu uar ding an si ko nain nangmah na duh tu lamkham ding tiangin na uarnak na langhter ah cun a tha lem lo . Cele pawl na uarnak na langhter tuk ah cun nangmah an uartu nih a thinlung tein an nek lai i nangmah lei ah a thinlung a ra lai lo i an kir tak lehlam khawh .Culawng siloin an chawn ngam tuk ti lai lo , a ruang cu a mah nak in minthang le milar pawl na uar hna caah a thinlung te in ai phuhrung kho .An uartu le na duhmi nu/pa a thinlung nangmah lei ah a ran nak in a rat colh na duh ah cun hi lam hi rak hmang ve ko hmanh a thabik an si cio ko hih . Kumthar ah dawtmi thar he caan hmang cio kho dingin duhsak nak he >>>>>>Comment.

Be First to Comment

Leave a Reply

Your email address will not be published. Required fields are marked *