Press "Enter" to skip to content

A Lawmawm Tuk E : Chinmi Chungin Vawlei Cung Miss Zuamnak Ah Thuzar Wint Lwin (Miss Hakha) Aizuam Lai

8th Miss Universe Myanmar Winner 2020, Thuzar Wint Lwin (Miss Hakha) Thuzar Wint Lwin nih, 8th Miss Universe Myanmar 2020 ah Hakha min put in a voi khatnak Winner Sui Luchin a co. A Voi 69nak Vawleicung Pumpi Muidawh Zuamnak ah Myanmar ram aiawh in aa zuam lai. Democratic Voice of Chin-DVC

Thawngpang dang relchap >>>>>>>>

Thawngpang Tha : President Trump nih cun minung pakhat nih $2000 cio ngah kho ding in congress a fial hna

Democrats party nih US um tax pekmi, minung pakhat cio nih US $2000 ngah ding in anmah party nih an control mi House [ Pyithu hluttaw] ah bill thar an chuahpi i, tu zanlei ah an pass hnu ah Republican nih an control mi Senate [ Amyotha huttaw ]ah an kuat.

Senate hruaitu hna nih Senate floor ah an chuahpi le chuahpi lo ding a fiang rih lo. An chuahpi hmanh ah an pass lai zumh a um lo. Republican nih $2000 tiangtiang pek ding hi an duh lo, zeicatiah US National leiba hi $27 trillion reng lo a phan cang caah US citizen minung pakhat nih kan ngeihmi leiba hi $220000 renglo cio a si cang caah a si.

President Trump nih cun minung pakhat nih $2000 cio ngah kho ding in congress a fial hna. Senate nih an cohlan ahcun President Trump nih minthut lai tiah zumh a si. Asinain Republican nih an cohlan lai zumh a um lo. Democrats pawl nih hin Republican nih an cohlan lo ding theih ko bu in anmah control mi House [ Pyithu hluttaw] ah an chuahpi i an pass mi hi politic ceihnak caah an hmanmi sawsawh a si lai tiah an zumh.

January 4 ah hin Georgia state ah Senate minung pa hnih thimnak a um. Mah ruangah democrats pawl nih hmak laak duh ah bawmhnak $2000 pek ding hi an chuahpi than mi a si lai tiah zumh a si. Republican nih minung pakhat an laak khawh ahcun Senate an control khawh rih lai. A pahnih in an sungh sual ahcun Democrats nih house le senate a control te lai caah tihnung ngai a si.
Trump nih min a thutmi $900 billion chung i a tel cangmi Second Stimulus $600 cio hmuh dingmi kha cu ninga ni [ Friday ] hrawng ahcun direct deposit in nan bank cio ah a phan lai tiah zumh a si. Salai Lairamthang

Be First to Comment

Leave a Reply

Your email address will not be published. Required fields are marked *