A Lo Cang Lai : Min Aung Hliang Nih A Tih Bik A Hrial Kho Ti Lai Lo
Kawlram he Pehtlaihmi Thawng.England sawmnak in Kawlram kong cu innkahrenkhumh in a biapitukmi UN meeting cu 5 February 2021 ah an tuah lai i meeting hruaitu cu US a si lai tiah theih a si.South Korea upadi ( law) lei in professional minung 6 nih kawl ralkap an tuahsernak thalo cu vawleicung International Criminal Court (ICC) ah chuahpi dingin timtuahnak an ngei tiah theih a si.Australia prime minister Scott Morrison le US Vice-President Kamala Harris cu kawlram kongah biaruahtinak an ngeih tiah theih a si.
Chinmi a kan daw ngaimi Australia ram i senator Dean Smith le US Consul-General David J Gainer cu kawlram buainak kong biaruahtinak an ngei tiah theih a si.Dr. Lian Hmung Sakhong nih a chimmi; Ralkap nih Rakhiangram ah aum mi Rohingya pawl an ci-hmih ding in an tuk, an thah hna. Cucaah, Min Aung Hliang le ralbawi pawl cu The Hague ah thircingcik khih le hruai in, “International Court of Justice” (ICJ) ah chuah pi ding an si. Cuti an chuah pi tik hna ah, Min Aung Hlaing cu, Milosevic ban tuk khan hri in ahngawng thlai asi ko lai. Cucu, Min Aung Hliang nih attih bik mi asi.
Dr. Sasa timhtuahnak in CRHP nih Min Aung Hlaing tuahsernak thalo cu, international criminal court ah chuahpi dingin timhtuahnak an ngeih cuahmah liopi a si tiah theih a si.Dr. Sasa, cu innka hrenkhumh in UN Special Rapporteur Tom Andrews le upadi ( law) lei in professor pawl he zoom in kawlram kong biaruahtinak an ngei cang.Singapore foreign minister, Philippine le Indonesia hna nih Aung San Suu Kyi le hruaitu vialte thlah dih cang hna u tiah kawl ralkap a chawnh hna tiah theih a si.Kawl ralkap minung 10 cu CDM tuahding ah KNU ralkap camp ah an pum an ni ap cang tiah theih a si.
New York hrambumh ambassador Kyaw Moe Tun cu kan hnu zarh UN meeting ah mipi lei kap in bia a chim caah ralkap nih a rian an phuah i, a mah kuttang i a ummi pa cu ambassador caah rian an pek tiah theih a si.Chin human rights Salai Ling le Sang Hnin Lian nih, Hakha ah ralkap uknak duhlonak lamzawhtu minung 20 ralkap nih an tlaihmi hna le tear-gas hman in mipi harnak an pekmi hna kong an chimmi cu VOA news nih a chim. Hakha ah police a ummi a tam deuh cu CDM ah an luh cang tiah theih a si.Ralkap duhlonak lamzawhtu hna mei in a kahtu hi kanmah ralkap kan si lo. Police long te an si tiah ralkap lei nih an chim tiah theih a si. Ralkap nih Police cu thimnak mee catlap (ballot papers) fir an phuh chel hna, mipi meithal kah an puh chel hna a poi ko.
CDM sandah piahnak ah nan herhmi thilri (protective gears, lukhuh tbk) paoh nan umnak committee sin ah rak chim cio hna uh. Australia hrambumh CCCA nih nihin tiang $80,000 kan in kuat cang hna tiah Pastor Mang Hre nih a chim.UN pawl kawlram ah an lut cang tiah VOA news nih a chim.Naypyidaw um police 70 cu CDM ah an lut ve cang tiah theih a si.Kalay Myo lamzawhtu hna cu ralkap le police nih meithal le tear-gas hman in mipi an kah hna caah minung 4 hma an pu i minung 1 cu a zual ngai tiah theih a si.Nihin Kawlram chung Kachin state Phakan khuaci a mui ve. Police le ralkap nih lamzawhtu cu meithal le tear-gas in an kah hna caah minung tampi hma an pu i, minung 5 nak tam an tlaih hna tiah theih a si. Credit:Pa Hen Thang
