Press "Enter" to skip to content

A Mah A Hrin Mi A Fanu Bak Hmanh Nih Ai Sum Kho Ti Loh I “Ka Nu Hi Kan Inn Ah Um Dingin Ka Lo Duh Ti Loh,” Tiah A Ti

Mizoram i chiatnak faktuk a phan mi vu mipi nih an tuar kho vio loh. sibawi pa i a fale pawl zong nih a fak an ti tuk. Sibawi fale pa 3 lakin a fanu te nih cun thil a can zan ah a nu cu an inn i um ding ah a duh lo nak kong cu a tahpah in a chim len cang. Thil a can ka ah hin cun zeipoh hi a tlangpi lawng in langhter a si tik ah a hnu deuh long ah fiangfai deuh in a lang tawn.

Sibawi Laltanpuia i chiatnak a ton mi kong zong ah amah a buaipitu bik a unaupa Zomuana cu biafiang fai deuh hal a si i, an thinton mi hi a fak tuk hringhran i a tuar kho bak ve loh. Zomuama le Sibawi Laltanpuia cu inn cungtang i a um mi ,cousin unau an si. December 9 zan zong ah Sibawi Tana nih cun cawsa ka va cawk lai i nangmah nih a thaw na ti ning in na chumh te lai tiah a rak ruah bal ti a si.

December 9, zanriah ei khawh ah khanZomuana cu mei tuahtu pawl nih na unaupa umdan hi a diklo tiah an kawhmi a si i, Zonuama inn tang i a va tum tik cu lenglei ah sibawi Tana i a fanu cu midang nih an rak pom i “Ka nu cu kan Inn i um dingin ka duh ti loh,” tiah a rak tap cuahmah ko. Zomuana cu Inn chngah a lut colh i Ihkhun ke lei ahcun Sibawi Tana cu bawpkhup in a rak tlu. A pawngkam cu thisen a chuak thluahmah ko i a pawng ah a fapa a um mi cu Zomuana nih inn lengah a chuahter colh.

Sibawi Tana cu a thaw a rak chuah kho ti loh i, chawnh khawh zong a si ti loh. A nunak a dih cang tiah ruah a si. Saupi Zomuana a tang a nam piak hnu ah Sibawi Tana cu a van holh kho than i a sawh nak thisen chuak lo ding in a unaupa Zomuana cu a van chimh. Can zeimawzat chung Zomuana nih a buaipi hnuah midang an rak lut ve i midang nih sibawi Tana sawh nak cu ann domh piak i, Zomuana cu an innchung hmundang check ding in a chuak.

Cu ah cun ekinn ai hrenh mi a va hmuh cu a chung ah Sibawi Tana i a nupi a um timi a fiang i ong dingin a kawh peng nain, a on duh lo tik ah ekinn kutka cu Zomuana nih cun a boh. A chung ahcun Sibawi Tana i nupi Mary cu kuakzuk bu in a rak um i a zoh nak bawn longlong a rak zoh. A hmaiah thisen tlawmpal a kai i, a chawnh zong ah a let duh loh. Zomuama nih cun kuthlak colh a duh nain, midang nih an thlauh ruang ah ai sum. Cu hlanah a unaupa Sibawi Tana cu a ho nih dah nam in an sawh tiah a hal lengmang nain, Sibawi Tana nih cun a rak chim duh loh.

Tlawmpal ah cun sibawi Tana cu sizung ah an kal pi colh nain an si khawh chung in an tuamhlawm ko nain, htiamhma i tuk nak vu a rak fah tuk caah a lung le a cuap a rak thih cang i fehpi a si ih sizung ah theitawkin an rak tuamhlawm nan, hriamhrei hma cu a fak tuk caah a lung le a cuap a rak thih cang caah zan nazi 10 hrawngah sizung ah Sibawi Tana i a nunnak cu a liam. Nai December 10 ah vuinak caan hman nak le phumh nak ptomgrame cu an tuah dih. Video zoh duh mi hrang ah

Be First to Comment

Leave a Reply

Your email address will not be published. Required fields are marked *