Press "Enter" to skip to content

A mak cang ko:Obama nih tangka a hman zat’An langhter dih cang hi.

President Barack Obama cauk thar “A Promised Land” cu an chuah ni khatnak ni sml. 24 chung ah uk 890000 an zuar khawh caah USA president pumpak kong tialmi cauk hna lakah zuar khawh bik ah aa chuah lai tiah a hun fiang tiah The Guardian nih a ttial.

Mah uk 890000 hnanh hi USA le Canada i an zuarmi lawng a si. 2018 i Michelle Obama cauk “Becoming” ni khat chung ah uk 725000 an zuar khawhmi lawng nih a tluk deng ti a si.

Mah cauk cu Obama nih President thimnak i a luh thawk in president a ttuan chung a hmuhton le amah kong a ttialmi a si. Uk khatnak lawng a si i mah ahhin President a a caan (term) khatnak a ttuan lio kong a tamdeuh, i uk hnihnak tu cu zeitik a chuah lai theih a si rih lo. Penguin Random House he hntlaknak an ngei i an nu Michelle Obama he an kong cauk chuah ding ah USD 60 million man min an thut.

Bill Clinton “My Life” kha North America ah uk 400000 hi ni khat chung ah an rak zuar khawh i George W Bush “Decision Points” kha uk 220000 an rak zuar ve i atu tiang 3.5 million an zuar.

Vawleicung i caan tawite chung i zuar khawh bikmi cauk cu JK Rowling tialmi Harry Potter a hnubik cauk kha a si le suimilam 24 chung ah 8million an manh.Laimi nih A Promised Land hi rel a phu ngai ding a si. A cawtu zong an tam Laimi milu tuak ah.Teirial catial tu

Be First to Comment

Leave a Reply

Your email address will not be published. Required fields are marked *