Press "Enter" to skip to content

A Mak Ko : Patung Pakhat Nih An Inn Tang A Cawh I An Inn Khatlei Um Mi A Nungak Nu A Va Ton Tawn

Mexico patung pakhat le an inn pawng i a um mi nu pakhat an i duh, asinain mi nutung nu i a pasal cu a strike tuk ruangah an duh ning in an i hmu tawng kho loh. Curuangah cun patung pa nih cun phundang ngai in khuakhan nak a nei. A mah cu lam rian a tuan mi insak nak i rian a tuan tawn mi a si.

An inntang cu khur bantuk in a cawh i a nu gak nu te intang tiang khi hlang lak in a va cawh. Cuticun a duh can poh ah vawlei tang te cun a va lut tawn i a nungak nu he cun ai vai i tawng tawn. A min cu Alberto a si i a nungak nu i min cu Pamela a si.

Nikhat cu Pamela i a pasal um lo chungah an rak i tong, asinain a pasal Jorge cu nidang nak in tuan deuh ah a lawi caah an inkhan chung ah pa holh a theih i a va lut. Alberto cu sofa pawng ah a rak i thup manh i a khur cawh mi kua te ah cun a thli tein a pil diam manh ai. Jorge nih cun an inn chung ah thil hman lo mi a um ko lai tiah lunghrinh nak a neih caah an inn chung vial te cu a check caah khur ai co mi te cu a hmuh. Leikua ai co mi chungah ava lut thluahmah i an innpawng i Alberto te i inn chungah ava chuak. Lunghrinh nak a neih cia fawn tik ah cun an buai cang.

Cuti cun, thilumdan cu Alberto i a nupi sinah a chim colh i an buai hngal, Alberto zong cu a ningzak ti ngaihnak thei tung loin a um i an i vua colh buai nak in an khat. A nupi nih palik pawl a kawh colh hna i buainak dang a chuah hlan ah palik pawl nih cun an tleih colh hna. An buai nak cu palik pawl nih an ceihpiak cuahmah lio hna a si.

Be First to Comment

Leave a Reply

Your email address will not be published. Required fields are marked *