Press "Enter" to skip to content

A Mawh Lo E : Myanmar Mipi An Tuarnak Ruangah Ka Hnarno A Tam I Ka Tap

Thinlung takin Myanmar mipi a ruat tuk tu hrang ahcun tu bantuk boruak cu ngeihchia le tahpi awk a tlak i, Myanmar ralkap le palik nih cun mipi zeihmanh sualnak zong a nei lo mi daitein lamzawh sandahpiah nak a nei mi minung cu an kah thluahmah ko hna.

Hi bantuk dirhmun ah ralkap cozah doh dingin NLD palai pawl i dirpi mi hlutaw pawlkomh thar CRPH nih cun Dr.Sasa cu UN pin ah ramdang chawnbia tu ding ah an ruah i Myanmar ram i thil cang mi le ralkap caawlcangh dan phunphun pin ah Myanmar dirhmun cu UN le ramdang sin ah thawngthanh nak tuah lengmang ding a si.

Amah beisei nak le mipi beisei nak bang in, UN le ramdang minung an cawlcang rih loh nain, mipi cu lungsau tein hngak ding in a sawm hna i, vawlei cung phun ning bantuk in, zeipoh hi khuakhan ta a herh timi a chimh hna, ram pahnih long nih lungtlin nak in cun, cawlcangh khawh colh a si rih loh tiah a ti.

Dr.Sasa nih cun a duhdawt tuk mi a mipi We Love pawl sinah β€œSualnak a nei lo mi mipi an thih ruangah ,dehcok nal le hremnak an tuar ruangah ,hruaitu pawl an tleih hna ruangah ,rampi thancho nak a tlai phah viar ruangah ,mipi covid 19 khamnak sii chun kho loin an um ruangah ,putar le pitar upa hngakchia ti loin lampi ah an vuak hna mi ka hmuh tik hna ah kai sum kho bak ti loh i ka tahpah in thlacam nak ka nei.

β€œRamdang le UN cu duhning bantuk in an cawlcang loh nain, beidong sawhsawh ding kan si loh i, CDM an cawlcangh nak cu a herh tuk mi a si. Thlah bak hna hlah u sih. Raltha tak in doh hna u sih. Teinak kan hmuh ko ding ruangah hnu tolh bak hna hlah u sih Teinak kan co a si ahcun Myanmar ram cu a thangcho than ko lai” tiah a ti.

Ramdang le UN pawl an cawlcangh le cangh lo cu, anmah thu le anmah ruahning a si i Dr,Sasa i a tuanvo cu UN le ramdang sinah Myanmar ram dirhmun a chim kho zungzal tu a si. ( We Love Dr.Sasa ) Credit : VAPUAL AUAW

Be First to Comment

Leave a Reply

Your email address will not be published. Required fields are marked *