Press "Enter" to skip to content

A Mui Aa Dawhtuk Ruang ah Hmanthlakpi An Duh i A Thilzuar mi Cawtu An Tam Chin Lengmang , A Hnu Cun An Rampi Media Sin Tiang A Phan

Thilzuar timi cu muidawh le hmurka thiam pah zong hi a hau mi a si i nungak pakhat nih thil a zuar i a hmurka athat pah ai dawh fawn ah cun thil cawtu cu midang thilzuar nak in cun a hmu deuh hrimhrim lai a fiang ko .Vietnam ram zong ah Chau timi nungak pakhat cu an chungkhar dirhmun nih a pek ve lo deuh caah an chungkhar sining zahpi lo te cun lamkam ah theihang phunphun zuar in a can a hmang ve .

Chau hi mi holhtlawm te a si i ningzah pang ngai a si fawn.A mui aa dawh i a tungtai a tha taktak ,tlangval ngeibal mi zong a si lo i mi duhnung te a si . An pawcawm nak ding caah hin ti in ningzah zong ruat ve lo tein lamkam ah cun theihang zuar cu ai thok ve . A mui ai dawh caah tlangval tampi nih an rak fuh i a theihang cu an rak cawk i a mah zong hman thlakpi an sawm lengmang ve.

A hnu ah cun tlangval le pa pawl silo in nu le hngakchia tar tiangin Chau cu an uar i hman an i thlakpi i mipi nih hin a dawr a but in an but cang . Asinain a theihang zuarmi a caw lo mi le hmanthlak lawng ah a rak ra mi cu can a pe duh ve hna lo . A mui aa dawhpin ah hmanthlak an sawm lengmang tik ah a hnu ah cun umtu zia zong a thiam chin lengmang i a hmanthlak chung zong ah ai rem kho taktak .

A hnu ah cun Vietnam ram i Media lain timi Vietnam Daily Media tiang nih a konglam an tial i rampi theih in a hung lar phah . Minun ghi kan dirhmun te i zahpi lo tein kan cawlcangh a si ah cun a hnu ah kan mah tawite in kan caah lamtha a rak i ong lengmang ve ko ee timi nun cawnpiak tu ngaingai a si . Source : Vietnam Daily

Be First to Comment

Leave a Reply

Your email address will not be published. Required fields are marked *