Press "Enter" to skip to content

A Nu A Zeng Mi Cu A Zohkhenh Huam Ti Lo Ruang Ah A Nun Buin A Va Phum

China, Shaanxi province i a um mi pitar kum 79 mi Wang Mou cu dam lo zungzal mi a si i a taksa hi a zeng. a mah a hrin mi a fapa bak a si mi nih a zohkhenh huam ti lo ruang ah ram lak ah a va phum.

A nupi Zhang Mou nih a konglam a theih ti lo ruang ah a lung re thei tuk i, palik pawl sin ah theihter nak a va tuah. Zhang Mou nih a ni a hmuh hmanung bik cu a pasal he an chuah nak kong a chim, a pasal kum 58 mi Ma Mou nih an nu cu khuadang i an chungkhat pawl sin ah a va tlawng i motor ka hlan i ka va thlah tiah a chim.

Asinain, an chungkhat pawl nih an phone i zeihmanh a theih lo hna nak kong a rak chimh hna. Zumh lo nak an neih ruang ah Ma Mou cu an tleih i ai phuang. Ramlak i a phum nak kong a chimh hna i a va phum nak kong hmun zong a chimh hna. Nawl nei tu pawl nih an va kawl i pitar cu vawlei kua chung ah a rak tah cuahmah lio an va hmuh.

A ke in an dawh i sizung ah an va kal pi colh. sibawi te nih an van zoh tik cu a dirhmun zong a tha ngai cang tiah an ti. Ma Mou nih a nu cu vawlei ah a phum i, a chilh than lo ruang ah a rak thih lo nak a si. Ni 3 hnuah an chuah than. Ma Mou cu Lainawng case an siampiak i an thleih. (Daily Star)

Credit : Meifar

Be First to Comment

Leave a Reply

Your email address will not be published. Required fields are marked *