Press "Enter" to skip to content

A Nu Le A Pa Nih An Thihtak Hnu I A Thilton Mi Cu Ngeihchia Tuk A Si E

Zawt rai faktuk mi nih hin cun chunglhar nule fa zonh faktuk in a then ko hna e. a poi hrunghran ko mu.Texas ah a um mi pa hngakchia kum 4 minung cu a nule apa nih covid 19 zawtnak ruang ah an thihtak i a ciza lo na bu in ngaktak ah ai chuah.

Raiden Gonzalez hi a hmasat ah cun a nulepa he chungkhar nuam tuk in a um mi an si i, Sinain Covid19 zawtnak ruang ah a nu le a pa Adan, 33, le Mariah Gonzales, 29 nih an thihtak hnu ah cun an chungkhar cu an i thekdarh dih ti a si.

A pa Adan hi June thla 3 ah khan Coronavirus ruang ah Sizung ah admit a si i, zarhli a liam hnu liam hnu June 26 khan a thi. Adan hi tlangrai a um bak khan a phak colh mi a si. A nupi Mariah Gonzales hi cu zawtnak nih hin khawiika lei in dah a phak timi hi theihkhawh a ai loh. A pasal a thih hnu ah ni 100 chhung hrawng a dam lo i October 5 ah khan a thi ve.

Ngaktah a si mi hngakchia zangfak tuk a si mi Raiden hi San Antonio a pi (a nu hringtu nu) sin ah tuah cun a um i, a pi Rozie Salinas nih cun Raiden hi kum 4 long a si rih i, a nu a nun lio ah hin ai kom tuk mi le ai daw tuk mi an rak si i a nu hi a ngai tuk tawn tiah a pi nih cun a chim i, zingka a thawhka teah hin kanu kan ngai tuk ka sin ah rak kir than ko law tiah a tap zungzal tawn tiah a chim chih rih.

Raiden hi thlathar ah hin kum 5 a tling cang lai i, a nu le pa cung i a tlung mi thil taktak a theih tik le bang ah cun zeitluk in dek a ruar te hnga mu. A mah caah hin tanpi nak ding caah tiin GoFundMe Account siam piak a si.

Be First to Comment

Leave a Reply

Your email address will not be published. Required fields are marked *