Press "Enter" to skip to content

A Nungak Thing A Thah Hnu Ah A Thluak Le A Thin A Khawih I A Eipiak Than

September 2014 ah khan United States, Indiana tlangval kum 39 mi Joseph Oberhansley nih cun a nungak nu thin cu a thah hnu ah a sa a ei ruang ah an tleih. Cuti bantuk a thah hnu i kum 6 hnu 2020 ah a kongkau cu an van theih fian i a thihhlan lo chung thawngthlak ding in biakhiah nak an tuah piak.

Tommy Jo Blanton kum 46 minung he an piat hnu ah a um nak in innkhar cu bohpiak in a nungak thing Tommy Jo Blanton cu faktuk in a vuak cuhnu ah a tleihhrem than i a thah than ti a si. A nungak nu thi cang mi cu a thin le a thluak a chuah i a ei than. Mit bak i a hmutu nih an chim ning in Joseph Oberhansley cawlcangh ning cu ‘Horror movie’ nak zong in tih a nung deuh ti a si.

A cawlcangh ning le a um ning vialte cu tih a nun tuk caah rianrang tei biakhiah piak colh cu tha an ti lo ruang ah, duhsah tein bia an ceihpiak hnu ah hi bantuk in hremnak an pek mi hi a si.

An konglam an dothlat hnu i an theihthan mi cu hlanlio ah nungak pakhat a rak thah cang ruang ah, Utah thawng inn ah kum 12 chung an rak thlak cang mi a si. Hipin ah hin a mah a hringtu a nu zong meithal in a kah cang hnu ah a mah le a mah zong i thah a rak i tim lengmang cang mi minung a rak si ti si.(The Sun)

Be First to Comment

Leave a Reply

Your email address will not be published. Required fields are marked *