Press "Enter" to skip to content

A Nupi Chia/Tha cu Mei in a Khangh – A Khangh nak a ruang hi a mak lawlaw

India patling pakhat nih chawva ruangah a nupi zahmawh cu mei in a khangh . 2019 kum ah an i um i an nunphung sining in nu lei nih chawva le thil dangdang an pek. India ramah dowry timi hi a lar ngai ngai. Nu le va i ton nakah nu nih pa kha man an manh hna i pa cathiam le neinung deuh pawl lebang cu an man zong a fak deuh . Sooraj Singh cu paan shop (kuva dawr ) neitu a si.

Bengaluru, Ramamurthy Nagar i ummi an si i An i umh liao lai i dowry an pekmi ah a lung tling lo i, October 7, 2020 ah a nupi cu a nulepa sinah tangka zeimaw zat a va halter tthan. Cuti cun an nupa cun an i el i fak ngai in an i si an bia a sang chin lengmang i an rak i umhka i a nupi leinih man an manh mi tangka chawva le thilri dang dang hna zong cu a nu le cu va khirh tthan hna tiah a ti. Sooraj cu a thinhang tuk i kerosene in a nupi chiattha/ zahmawh cu a khangh piak.

A nupi cu a ṭap, a rak tuk tikah an inpa pawl nih an va chuahhnawh i sizung ah a rannak in an tlikpi colh. Hiti an buai liao ah hin Sooraj a nu zong an inn ah hin a um ve, inpa pawl an hon i an van hmuh hna bak cun an pahnih in an zam diam. October 9 ah hliamtuar tu nulepa nih an tupa cu report nak an tuah i tleih dingin an hawl cuahmah liao pi a si. (Indiatimes)

Be First to Comment

Leave a Reply

Your email address will not be published. Required fields are marked *