Press "Enter" to skip to content

A Nupi Naupawi Mi Cu An Uico Nih A Zoh i A Boah Peng , Thil Sining An Van Hlat i Thil Lianngan Tuk A Rak i Thup

Innzuat satil hna nih hin minung nih kan hmuhtheih khawhlo mi an rak theihmi tete a rak um ve tawn ti a si i tutan i kan rak langhter mi zong hi England ram ah a tak in thil a cangmi le an zuatmi an uico ruang ah an chungkhar ah thihnak a chuak ding tiang an luatnak konglam a si .England ram ah a um mi nupa hna cu fa ngeih an duh tuk ve nain nau an pawi kho rih lo i mi fa an hngar ngai ngai ti a si .

A i umh hnu kum 2 hnu ah ruahlo pi in an nu cu pum lawnglo in a um i nau an van pawi ve tik ah cun an nupa in an i lawm taktak .Asinain a ui zuarmi uifim an i ngeihmi cu nau an pawi hnu cun a um tu dan aa dang i a ngeitu a pi (naupawi mi) cu a zoh i a boah lengmang ti a si .An uico umdan cu an zoh tik ah an khuaruah a har tuk ti a si . An uico nih hin a pi cu minutes 15 chung hna a zoh i a mitthli a tla tawn i cuti cun um thiam lo in a tuah i a boah lengmang tawn ti a si .

Nikhat cu an nupa in an thutti lio ah a nupi paw cu ruahlo pin a hung fak i a rannak in sizung ah an tlikpi.Sizung an phak cun sibawi te nih a nupi naupawi mi cu an check tik ah zeihmanh a chunglei ah fahnak le ai rawkmi zong a um lo i naupawi pawfah sawhsawh ah an ruah ve i cuti cun siei ding hna an pek hna i innlei ah an lawiter than hna .Anupi nih cun an thilton mi le an uico umdan cu a lungtha lo i online ah a post i a hawile nih an uico a boah lengmang mi kong ah cun an siarem ve lo i sizung tha deuhmi ah tha tein vai i piah dingin ruahnak an rak pek hna .An nupa cun an siarem thlu ve lo caah sizung sang deuhmi ah an vai i piahb than . Sibawi te nih cun a nupi taksa vialte cu an check dih tik ah a kal pahnih ning in a rak i rawk dih cang i a rauh hlan ah a nupi cu a thi chom kho ding dirhmun ah a rak dir timi cu an theih .A rannak in operation an tuah zokzok i cuti cun dam tein sizung in a chuak than .

Can raulo tein nau an van ngei i naute mui cu uico nih a hmuh tik ah lomhank muihmai in a khat ve ti a si .A nupi nih a chim mi cu ” Kan uifim nih keimah he ka pawimi ka fate he dirhmun thalo tuk ah kan rak dir cangmi kha a rak kan theih caah a rak kan zohkho lo i a rak bo pengmi a rak si .Kan uite hi um hlah sehlaw tu bantuk nau duhnung te zong hi kan ngei hna lo i chungkhar nuamh zong kan cang kho hnga lo , culawng silo in ka fate Lincon hi vawleicung ah kan um ti hnga lo ee ” tiah Social Media ah a tarlangh ve than . Cuti cun naute cu uite nih cun a umti pi dawngai in an chungkhar cu khua an sa than. Salaimuidawh

Be First to Comment

Leave a Reply

Your email address will not be published. Required fields are marked *