Press "Enter" to skip to content

A Pa Ruak A Selfie Pi Caah A Ruah lo Tuk mi A Tong i A Ran nak In A Delete Than Zok Zok

Russia ram i hlasakthiam le Model minthang pakhat asi mi nu nih a pa ruak cu background ah hmangin aa selfie caah mi tampi nih an soisel ngai ngai .Mi tampi nih an chungkhar a thimi an ruak cu hman an i thlakpi cio tawn ko nain zeiruang ah dah hi nu theng hi soisel a ton ti mi cu a sullam a um ve.

A pa hi sizung ah a thimi a si i innlei zong ah an lawipi rih lo i sizung ihkhun cung ah an it ter rihmi a si . Model nu nih cun sizung itkhun cung i an it ter rih mi a pa ruak cu a phone in aa selfie pi i ngeihchia ngai le lungkuai ngai zongin a mithmai ah a lang lo i style thoh phun in a phur a tuah pah i a thimi a pa ruak cu aa selfie p.

Cu a pa ruak hman aa thlakpi mi cu online ah a thlah i “Ka pa aw thadam tein i din cang mu” tiah ca zong a tial chih i a ngeih a chiami le a tap mi emoiji pawl zong a chiah chih hna.

Online i a tar mi a pa ruak aa selfi pi mi cu minutes tlawmpal te chung ah mi tampi nih an rak hmuh. Zei ca tiah a mah hi milar Model le singer pakhat a si ve tik ah a mah pumpak hmani facebook zong mi tampi nih an rak follow ve mi a si i a pa ruak aa selfi pimi i a muihmai le a hmurtuah ning cu an hmuh tik ah thinlung a ngei hnga maw lo maw ? pa le thih hna i cu bantuk in hmur tuah i selfie pi ngam cu mihrut nu tiah mi tampi nih an rak comment thluahmah caah a ningzak tuk i a hmanthlak post mi cu a ran nak in a delete than colh.

Mi thinlung ah a rak lar ngaimi a si ko nain a pa thih nak i aa selfie pimi ruang ahb mi vialte soisel le minchiat a tong phah . Lar nak le minthan nak te hna hi hruh nak pakhat te nih kan chanchung a khuhkhawh dih than mi a si ti a fianter tu ngai ngai a si ve. Source : Dailymail

More from THEIHTLEIMore posts in THEIHTLEI »

Be First to Comment

Leave a Reply

Your email address will not be published. Required fields are marked *