A Pasal Neih Ni Ah A Tlangval Thing Ai Tel Ve, A Pasal Sin Ah Vawikhat Tein Ka Kup Ta Lai A Ti I A Va Kuh Ta (+Video)

A liam cang mi thil cu a liam cang ko le tii philhkhawh i zuam kha a tha bik mi a si ko. Indonesia ramah nungak le tlangval tuahkhat ai um mi an um. An i umh nak puai ah cun chungkhat sahlawh rualchan an sawm hna i an i nuam tuk hringhran hna. Mipi lak ah cun monu i a tlangval tling zong ai tel ve.

Kum can saupi a rak i kom cang mi an si ruang ah mipi zong nih an theihthiam pi ngai hna. Cuti cun, kutsihnak an theh hnuah monu le mopa cu an kut an va tleih vio hna. A tlangval thing pa zong nih cun an kut cu a va tleih ve hna.

Monu nih cun kuttleih lawng cu a za loh tiin a pasal thar sin ah cun vawikhat tein ka kup kho ta maw? tiin a hal, mopa zong nih cun, thilsining cu a theihthiam pi ve hna ruang ah va kup ta ko tiah a ti ve i mipi vialte hmuhhlan ah cun an pahnih cun duhtherek bak in an i kup.

Mopa nih cun mithmai panh bu tein a rak zoh hna i duhchung in an i kuh an i pom hnu ah cun, a tlangval thing nih cun mopa cu a kut a va tleih ve.A sianain mopa zong nih cun, kuttleih long siloin, a nupi tlangval thing cu a rak kuh ve.

Online mipi pawl nih cun, thilsining an zoh tik ah monu cu sual an phawt tuk hringhran, an ni sunglawi ah a pasal thar ih feeling a chiatchuah dih tiah an ti. “Mopa cu a mithmai panh nawn tein a ni ko nain, a tuar ning a fak bak lai, asinan a nupi thar cu a duhdawt tuk ruangah “A poi loh” tin ai nih ter sawhsawh men an ti. {Video}