Press "Enter" to skip to content

A Poi Ko Ee! Mandalay Ah SAC Ralhrang Nih Hngakchia An Kah Tthan

December 6, 2021 ah SAC Ralhrang nih Mandalay Khuapi chungah meithal an puah caah kum 5 te lawng a si mi hngakchia te a khen i, a nunnak a liam tiah thawng kan theih. A Poi taktak si, Min Aung Hlaing nih nawlngaihnak a lak hnuah a kuttang pawl hi nikhat hnu nikhat in sual hram an i thok chin lengmang cang.

SAC Ralhrang nih nawlngaihnak an lakhnu in kumtling lo hngakchiak an thahmi hna hi an tlawm ti lo, uico ruahnak hmanh a tluk ti lo mi Min Aung Hlaing ruahnak hi nikhat khat cu dongh caan a phan hrimhrim ko lai. Mipi hna kan lung rual tak um in hmailei ah karhleng chin ko hna usih. Kan tei hrim ko lai.

Thawngdang Relchap; A luancia November thla chungah KNU hmunhma chung ah ralhrang phu he kahdohnak voi 200 leng a chuak, cu kahdohnak ah cun ralhrang lei tat-yin-hmu le duh-tat-yin-hmu telh in minung 190 an thi tiah KNU lei nih cathanh an chuah.

KNLA, KNDO le ralhrang phu cun ralhrang phu kuttang um ramri hngak BGF hna he kahdohnak ruangah ralhrang phu BGF lei in minung 160 hrawng hliamhma an tuar tiah theih a si.

Cu kahdohnak ah cun KNLA le KNDO lei in minung 7 an nunnak a liam i minung 10 nih hliamhma an tuar tiah theih a si.Ralhrang phu hna nih thla 5 chung kahdohnak kan dai lai tiah thawngthanhnak an tuah hnu ah KNU hmunhma chungah kahdohnak a chuah hi, ralhrang nih thawngthanhnak an tuah hlan nak in a tam deuh. Crd; The Chin Post

 

Yangon ramthen, Khayan peng Myomah palik sakhan le fim cawnnak zung cu nizaan December 5, zaan suimilam 8:20 ah bomb puahhnawh an ton caah palik minung 3 an thi tiah Kayan mi zapi vengtu phu Kayan PDF in rianngeitu pakhat nih a chim.”

Hliamh mi hi minung 5 hrawng an si, a thimi cu minung 3 an si. Palik sakhan ah minung 3 an thi tiah fehternak a um cun hliamhma tuar zong an um tiah theih a si.

Fim cawnnak zung zong ah hliamh mi an um lai tiah zumh a si, cu ka zung ah cun umhmun khuar in a ummi ralhrang minung 18 hrawng an um” tiah a chim chap. Yangon ramthen Gyimintai (ကြည့်မြင်တိုင်) peng Panpingyi (ပန်းပင်ကြီး) lam ah ralhrang uk duhlo in lam zawhnak a tuahtu mino hna cu

SAC ralhrang phu nih December 5 ah hramhram in motor an pah hna, meithal in an kah hna leng ah tlaihkhihnak an tuah mi cung ah a tu bantuk in puah kehnak tuahin lehrulh kan cham hi a si tiah a chim chap. TCP, Mizzima

 

Be First to Comment

Leave a Reply

Your email address will not be published.