Press "Enter" to skip to content

A Poi Ko : Leimin Ruang I Minung Tampi An Thihnak Phakant Ah Vawlei A Cim tthan I Inn 12 Bak Vawlei Nih A Lak

Kachin ramkulh, Phakant peng Wai Kha khua ah vawlei a min tthan tiin thawngpang theih a si. Hi vawlei min ah hin inn 12 bak a minh pi nain minung a thi mi cu an um loh. Hi inn pawl hi zeitik caan paoh ah vawlei nih a minh pi khawh mi dirhmun a si caah an rak chuah tak mi inn pawl an si, cucaah cun a hohmanh hliamhma a tuar mi le a thi mi an um lonak a si.

Hi thil hi tuzing July 20 zinglei suimilam 3:30am ah a cang mi thil a si i vawlei a min mi nih hin inn 12 (minung umlonak inn), vawlei a phur mi Motor pakhat le thilri chiahnak inn pawl a cimh pi hna tiin thawngpang theih a si.

Nai i vawlei min mi nih minung tampi nunnak alak hnu hna khan hi kaa i a um mi minung pawl zong hi a hohmanh um ti lo dingin nawl pek an si caah an chuah tak dih nak hi a si. Cucaah cun tuzing vawlei min mi nih a lak mi inn 12 ah hin minung a hohmanh an um loh i thilri chiah nak pawl inn zong ah a hohmanh a riak mi an um lo caah minung a thi mi an um hraw loh tiin thawngpang theih a si.

Be First to Comment

Leave a Reply

Your email address will not be published. Required fields are marked *