Press "Enter" to skip to content

A Poi Ko! Lo Meduahnak Mei Kang Nih Khual Tlawng Minung Pa 3 A Kangh Chih Hna

Lahe Khua Ah Lo Mei An Duahnak Ah Minung Pa 3 Mei Nih A Kangh Hna
——————————————————————–

Sagaing ram Then Naga ram, Lahe Khua ah an khua in Meng 3 a hlatnak ah lo ngei pawngkam pawl i sawm in hmun khat ah lo duah tinak khul a tlawng mi minung pali cu mei nih a kham hna i khua zei kal le chuah kho lo in lo meiduah mi nih cun a kangh chih hna tiah an mah Lahe khua i meithat rian ngeitu pakhat nih cun a chim.

Hi mei kangnak kong he pehtlai in Lahe an khuabawi pa 2 le khuabawi hlun hna cu january 29 zing lei ah an khua hnu i ekah 15 hrawng a si mi lo cu an duah hna i India Ramri ah facang cawk a kal mi nu pa 3 le pa pakhat cu an kir lei ah mei duah mi nih cun lam vial te cu kal nak tha lo in a phih dih i hrial awk a that lo caah, mei nih cu a kangh hna hi a hmun ah cun an thi beh tiah theih a si.

“Hi bantuk khua te lei khuasa caah cun lo mei duah tik a si i, hmun khat ah tihin lo duah ti a si tawn. A thi mi hna hi facang cawk an kal ian kir lei a si. An kir lei ah hi ti bantuk in lo mei duah mi nih a kham hna caah a kangh chih hna hi a si. Hi bantuk thil acan hi a voikhatnak bak asi” tiah an mah lahe khua i meithat zung rin tuan pakhat nih cun a chim.

A Thi mi hna hi Thangkhaw Lanmah khuate a um mi an si i, kum 15 a si mi pa pakhat le kum 30 le 35 a si mi Nu pahnih an si tiah theih a si.

Hi lo duah nak le thih lohnak kong he pehtlai in, lo duah tu hna pathum cu Lahe khua Palik sakhan ah a hmuh phun an si caah a herh ning in tawl rel an si ko lai tiah One News Media Nih cun a langhter.

Crd: Aung Kyaw Ngunt

Be First to Comment

Leave a Reply

Your email address will not be published. Required fields are marked *