Press "Enter" to skip to content

A Poi Tak Kho Tuk! SAC Ralhrang Nih Mi 5 An Thah Hna

Sagaing ramthen, Depeyin (ဒီပဲယင်း) peng, TayaAye (သာယာအေး) khua ah nizaan November 23 zinglei ah chungkhar minung 5 thah an tong tiah khuachung mi hna nih an chim. November 23, zinglei suimilam 3:00 hrawng inn chungah chungkhar pakhat chung in minung 5 hna cu nam hliam nak, meithal hliam nak hna he an ruak hmuh an si tiah khuachung ummi hna sin in theih a si.

”Thah a tongmi chungkhar hna cu zeituah mi hmanh an si lo, inn chungah mi zei dah an lut ti zong theih an si lo cun meithal thawng zong kan thei lo. Cu chungkhar hna cu minung 6 an si, an fanu pakhat cu hmundang ah zaan a riah caah a luat. Thah a tongmi hna chung in nu pakhat cu nau pawilio mi a si” tiah an mah he neihniam in ummi khuami pakhat nih a chim. #The chin post

Relchap; Tanintharyi ramthen, Luang Lung (လောင်းလုံ)peng, Kaw Inn(‌ေဂါအင်း) khua Ge tuang pawngah November 23 zinglei ah thok in ralhrang thazaang 80 hrawng nih mizapi vengtu ralkap phu hna cu kawlnak hna an tuah tiah khuami hna nih an chim.

Myanmar Army Launches Operation Against Insurgent Group of NE at Indo- Myanmar Border | India.com

” Ralhrangbu thazaang 80 hrawng in hriamnam tling i put i. Ge Tuang (ကြယ်တောင်) pawng ah Ung Chiti dum(ဆီအုန်းခြံ), ramlak tlang cung hna ah mizapi vengtu ralkap phu hna cu an kawl hna. Mah lamlak ah cun mizapi vengtu ralkap hna an hmuh lo tikah chun hrawng ah an kir than tiah khuami pakhat nih achim.

” Nizan thok in thazaang tampi le hriamnam tling he an kawl hna. Hmunkhat ah an hmuh lo caah hmun dang ah an kawl than. PDF hna an kawl hna tiah kan ruah ko. Khuachung ah um hmun khuar mi ralhrang phu hna an si ” tiah khuami pakhat nih than lwin times ah achim. Tu cu ralhrang thazaang 80 hrawng Kaw Inn (ဂေါ့အင်း) khua sianginn le phungki sianginn ah umhmun an khuar.

Burma: Suu Kyi Talks Peace, but the Army Keeps Fighting | Time

Kaw Inn (ဂေါအင်း)khuapawng Ge Tuang(ကြယ်တောင်) pawng ah November 21 ni zinglei ah ralhrang mawtaw pakhat bomb puah asi hnu hnu ah ralhrang le mizapi vengtu ralkap kar ah kahdohnak aum hi asi. Mah kahdohnak ah cun ralhrang 6 an thi i 3 an hliam, mizapi veng tu ralkap lei in(1) athi. Mah kahdohnak adih in ralhrang nih thazaang chap i mizapi vengtu ralkap hna cu ramlak ah an kawl hna hi asi. Crd; The Chin Post

Be First to Comment

Leave a Reply

Your email address will not be published.