Press "Enter" to skip to content

A Poi taktak e tuni ah MNDAA sakhaan cu ralhraang nih raltuknak vanlawng in bomb an thlak pin ah tanglei zong in an namchih hna ca ah MNDAA lei pakhat a thi i pali hliam hma an tuar

December 15, 2021 ah Shan ramkulh Chaklei, Kokang ram ah a um mi MNDAA sakhaan hna cu december 14 ah ralhraang nih raltuknak vanlawng in bomb voi hra an thlak pin ah tanglei zong in ralhraang thazaang 300 leng in an kah hna ca ah kaphnih kar kahdohnak a chuak tiah The Kokang thawngzamh nih a tial.

December 14 zing suimilaam 6:00 ah ralhraang Division No. 99 kut tang battalion thazaang 300 leng in MNDAA Manyan sakhaan cu voi ruk tiang an kah nain an tei hna lo ca ah hriamnam ngan in voi 1500 leng an kah tiah kan theih.

 

Panyinlapah MNDAA sakhaan cu ke ralkap in an namchih hna ca ah kahdohnak fak a chuak i Panyinlapah sakhaan le Mankyaw sakhaan cu raltuknak vanlawng in bomb voi ruk an thlak ca ah MNDAA lei pahnih hliamtuar an um tiah The Kokang thawngzamh nih a chuah.

Ralhraang nih Chinchaihthang sakhaan cu ke ralkap in voi thum tiang kahdohnak an tuah. Raltuknak vanlawng in bomb voi li an thlak. MNDAA lei pakhat a thi, pahnih hliamtuar an um. Ralhraang lei a thi mi le hliamtuar an um le um lo bel kan thei kho rih lo tiah The Kokang thawngzamh nih a thanh.
Ref. Khit Thit Media $ the hakha post.

Be First to Comment

Leave a Reply

Your email address will not be published.