CDF-Mindat le YDF in Ralkap 14 an Nunnak a Liam – Nizaan tihni, November 17 ah a cangmi Htilin peng chung kahdohnak ah CDF-Mindat in munung pakhat le Yaw Defense Force (YDF) in minung 13 an nunnak a liam, tiah YDF nih thawngpang an chuah.
November 16 le 17 ah SAC ralhrang nih ralzaam minung 5 zong ruru hranghrang in an thah hna tiah an langhter. SAC ralhrang lei in minung 10 hrawng an thi i, hliamhma tampi an pu. Crd; The Chin Journal
Relchap; Hakha Peng Vanha khua Baptist biakinn a kaang. Nihin November 19, 3:00 PM hrawng ah Hakha Peng MABC ramchung Vanha Baptist biakinn a kaang, tiah theih a si.
“Battery le solar pawl an ciam dih. Biakinn hi atung pe 70′ le avaang pe 30′ a lian mi a si i an saknak kum 3 hrawng lawng a si rih,” tiah an khua Pastor a tuan lio mi Rev. Nawl Bik nih a chim.
Hi kong ah zeiruang ah dah a kangh ti cu theih a si rih lo i HBA nih, “Vanha Baptist Church zumtu vialte nan Biakinnpi a ciamh cu kan lungfak tuk ve. Bawipa sin ah thlacamnak in kan rak in bawmh ve hna,” tiah HBA nih an langhter. Crd; The Hakha Times
SAC Ralhrang nih “Pu Biak Ngei Sang” a Hngawng an Aah i an Thah. November 16 zinglei ah SAC ralhrang nih Pu Biak Ngei Sang (kum 48) cu Kalay peng lo in a tlunnak lampi ah an thah, tiah CNO/CNDF nih thawngpang an chuah.
Pu Biak Ngei Sang hi fa 4 a ngeimi a si i, Wa-uh lo a tuahmi a si. Thah a ton lio November 16 ah hin Kalay peng ah CNDF le Kalay-PDF i bawm in kahdohnak chunnitlak dengmang a chuak.
“Kahdohnak ah ralhrang lei in a thimi an tam caah ralhrang pawl an kalnak lamthluan thluang ah meithal an puah i Wa-uh lo a tuahmi fa 4 ngei kum 48 pa zong meithal in a lu an kah hnu ah a hngawng zong naam in an aah,” tiah CNO/CNDF nih an langhter. Crd; The chin Journal
Be First to Comment