Press "Enter" to skip to content

A Poi Tuk Ai Ee! Gangaw Peng Mipi Hriamtlai Hna Cu SAC Uico Ralkap Nih Helicopter Bak Hmang In An Kah Hna Ee!

26/5/22 zingka ah Gangaw peng mipi ralkap hna cu, ralhrang nih helicopter in a kah hna. Thi le hliam an um le umlo theih sirih lo. Credit; Salai William HC

Thawngdang Relchap >>>>>><<<<<<<< Federal Mah Tein Khuakhan Lairelnak Tlukruannak Chauvinism Hna Hi Lungpiang Cikcek Kan Herh. Biachim I palh hlah uh, Biahlei chimh hlah uh, Karhlei lam hlah uh, Naal tuk hlah uh, Saupawt hlah uh, asi khawh lomi bia chimh ti hlah uh, Asi khawh lo mi biakam hmang ti hlah uh, tiah ahlan lio tein, ralrin nak kan in pek hna, kan in chimh tawn ko hna dakaw, CHIN kan Dr vialte le Chin Mifim thiam vialte hna.

Paletwa cu Rakhine ah nan chiah, Kawlram cu State (14) in nan thanh ṭhan. Tlangcung mi nih an duh lai lo ti nan theih ko na raw raw in nan pah chih mi asiko. Biachimh hnu ah zuk ṭhan, remh ṭhan, phisin ṭhan timi hi Vawleipi hruaitu cungnung hna ziaza asilo. Hi nan ziaza nih Kawlram adam ter khawh ngaingai lai maw. Kawlram hi ZAUk pennak ah nan kan hruai khawh ngaingai lai maw tiah laklawh in nan kan chiah dih. Chimh le phuan le cangka in I phisin cawlh timi hi Vawleipi nih zeirel lonak asi.

Zumhngam lonak asi. Kawlram caah UNCHR Special Envoy Ms. Nozar Lin cu biachimh aapalh ruang ah atu tiang aa phisin. UN le Vawleipi hmai ah a hmai abit tuk cang. Zumhtlak mi upa asi ti lo ti hi nan hngalh ko. Tlangcung mi Damlonak hi damter asi ballo I, an piatana hi phisin piak aum ballo. Hlanlio cozah cu um koseh, USDP le NLD Cozah nih an phisin ballo. Phisin le damter zong an I timh ballo.

Open photo

Tlangcungmi Zawtnak damter awk ah le Tlangcungmi Ramkhel Policy le Muma Dundan zong a ngeih bak lomi NLD kan si. NUG le CRPH nih kan Zawtnak adam ter lai I kan piatana an kan phisin piak dih lai kan ti lio ah States (14) cazual nan chuah. Nan kan thah I nan kan hloh bak ko. NUCC Conference ah chuahpi ding nan ti ko nain, hi ti ning in Kawlte nih kal an duh kha hngalh khawh asi. Vote nan thlak te lai I, Kawlte vote nih an kan tei lai caah Pine (14) in akal ko lai.

NUG le NUCC dirh tikah Mandate timi ai awh tu aaruang lo ti cu hngalh cio dih asi. Silo hramseh ti lawng thla kan cam ko. NLD le Kawlte nih Democracy Federal an ti mi kha cu hnawm pung ah hlawnh ding asi cang. Bahu ah Nawlngeihnak aum mi hi kan herh lo. Federal Democracy cu Pine State ah Power aum mi asi. State (7) ah Power (7) aum lai, Kawlte State ah Power (7) aum lai.

Center ah Kawlte power aum rih lai caah kawlte nih Power (😎 an ngeih lai tihi nan tuak cio ko lai dah. State (14) mumal hi nan hlawt khawh ding asiko ahcun, Federal Democracy ah Democracy biafang hi kan hlawt piak chih ko uh. Federal biafang pakhat te lawng hi I hmang cang koseh. Federal ah Democracy biafang kan peh ruangah Kawlte lule tuahnak le zirtiamnak caah lam sersiam / hmawng ṭhiam bantuk asi.

Tcnk: Panglong ah Agree in Principle timi cu phung ning in kan cohlan ti tiang lawng Kawlte le DASSK nih an kan pomh piak. Tutan State (14) piatana bangin Democracy biafang hi an kan hnahnawk ding asi lai. Tlangcungmi State (7) cu Federal Cozah kan si lai I, Kawl State (7) cu Democracy cozah an si lai, Center cozah kha an Bawitlang si ve hnaseh. Hitin kan tuah khawh ahcun, Power sharing ah cun a dih cang nain, Equality le Equity timi Tlukruannak ah a bau ṭhan ai.

Bahu uktu Luban le hlutdaw palai ah minung kan I Tlukruan tilo. Kawlte duhning in phungphai le dundan vialte a kal dih lai. State (14) mumal cu Tlukruannak aum lo pin ah mah tein khuakhan Lairelnak ahnursuan caah / lam aphih caah, federal ti awk ah a har ngaingai. Divide and rule / Chauvinism timi Maha Lumioci Wadah thazang pek tu / anung ter tu mumal asi lehlam. Kawlte Politician nih Maha Lumioci Wadah aum lo an ti nain, Zeilei poah ah Tlukruannak aum lo caah Maha Lumioci Wadah kan tinak cu asi cu aw. Tlangcung mi le State kha kawlte he Tlukruan tein an kan hmuh khawh lo.

Bianabia: 2020 ah NLD nih Cozah dirh an duh tikah, Tlangcung Party rual cu State level lawng in an tawn hna. Center level siloin, State level in, niam deuh in an tawn hna. Hihi Maha Lumioci Wadah lo ah zeidah asi kun. NUG nih State Cozah cu mah le State cio nih dirhnak nawl pek loin, NUG kuttang dirh nan duh. Hihi Federal asi baklo. Maha Lumioci Wadah le Tlukruannak aum lo mi. State ah power aum lomi asi hi nan hngalh ko lai dah. Cucaah, State ah NUG nih an mah duhning in cozah an dirh,

NUG State Cozah aum ahcun, Federal asi tilo. Democracy tu asi hnga. NUG kuttang um mi PDF lawng kan cohlan ti zong Federal in lamtlau asi. State (14) lawng ah lam kan tlau asilo. NUG lam a tlau I Federal in apial hi a tam tuk ngamsam cang. Federal kan ti lawng hi aza ti lo. Federal ah Democracy biafang belh chih / thilhchih zong hi Tlangcung mi caah sahrang bantuk asi. Federal biafang hi Mirang holh asi. CHIN Holh in a duhning kan leh ahcun, Mah tein khuakhan Lairel nak ti asi. Mah tein khuakhan Lairelnak ahcun Tlukruannak aum cikcek lai ti hi asi. Cucu kan I ruahchan mi ZAUK pennak cu asi.

Cucaah, State Phunghrampi le laws, Acts, codes tbk vialte suai siseh, full power cu state ah umseh kan ti cu asi cu. Cucu kawlte nih State (7) le Center an I thimh I anmah nih uk zungzal an kan duh fam cuh. Cu ruang ah kan holh ve mi asi. Dai tein um hi kan thiam ko nain, chin mi cu Politic ah ti thuk nak lei tiang apilh mi le athlam asamh I aumnak thlam a kau ter mi kan um lo tuk caah dai tein ka um khawh hrim ve lo.

Kan ram le miphun damnak caah kan holh ve mi asi. Soisel le thangchiat asi hrim lo. Mah tein khuakhan Lairelnak aum lo hlei ah Tlukruannak aum lo mi Mumal le policy cu NUG / CRPH / NUCC nih an suaisam sual ahcun dai tein um ding kan si lai lo CHIN MI vialte. Mah tein Khuakhan Lairelnak aum zong ah Tlukruannak aum lo ahcun duh ding asi lai lo. Tlukruannak aum I Mah tein khuakhan Lairelnak aum lo ahcun duh ding asi fawn lai lo. A pa hnih an tlin cikcek a herh.

Cucaah Federal tiang lawng pilh ti hlah usih. Federal Democracy hi cu kaltak cang usih. Federal kong kan chimh rel ah siseh, Mumal, Phunghrampi le Policy kan tuah ah siseh, Mah Tein khuakhan Lairel nak le Tlukruannak kha 100% Amakhan tu asi maw ti hi hlathlai zungzal ko usih. Keimah bang nan biaka tam veseh. NUG le NUCCC member CHIN Kanpa le Dr te zong nih hi phung le tlaihtleng hi kan zulh piak hram uh. CHIN Mipi zeirello in nan um I,

Policy aapalh mi nan hung chuakpi nawlh ahcun, hinak in fak deuh in,…. Note: State (14) mumal hi tu lawng ah asi can mi asilo. NUG Thantar hrim hi Arfi (14) asi. Timh ciammam tein an tuah mi asi. Strategic Planning timi Maha Biuha Simankin he tuah mi asi tiah Thantar nih alangh ter. NUG cozah a dirh in aum ve cang mi Thantar asi.

Relchap >>>>>><<<<<<<< Zalonnak Ni He Aasem Ṭi MI Tlangcung Miphun Damlonak. NCA ee, PEACE TALK ee, 21st Panglong Conference ee, Zei ee, cu ee, Keimah pumpak in bia kan ruah hna lai ee, NUG Federal ee, NUG Charter ee, NUCC ee, ICNCC ee ti aherh lem lo. Panglong biakamnak tlinter ahcun adih ko. NUG nih Kawlram Sate (14) an thanh mi hi Panglong in apial ahcun apoi ngai fawn lai.

Kawlram Zalonnak Ni Aa thawk Ni Panglong Biakamnak aathawk ri in, Tlangcung mi Damlo hram kan thawk ve. Tlangcung hriamtlai phu (EAOs) le Panglong cu faphir an si. Then awk a ṭha lomi cu Kawlram uktu Luban kip nih then an duh caah Ramkhel ah Kawlram athihnak hi asi. Kawlram Zalonnak Ni le Tlangcungmi ṭhen ah cun athih bak ding asi. An ṭhen caah kum 70 leng Kawlram athih cang nak hi asi. Kawlram Damlonak cu Panglong biakamnak tlinter lo ruangah asi.

Kum 10 hnu ah (1) A Zalon mi ram dirh khawh nak (2) Tlukruan Cikcek nak le Mah tein khuakhan Lairelnak asimi Federal Ramkomh dirh awk kha Panglong thinlung cu asi. Kawlram duhnak zulh, DASSK duhnak tlinter, NUG Chunmang le Charter ning in kal kha Panglong thinlung asilo. Panglong thinlung aduh mi vialte nih Panglong tlinter awk kha kan tuah lo caah Nihin dirhhmun kan phan. Panglong cu independent lak an duh caah asi tiah kawlte nih an ti caah, kum (70) leng ral I doh asi ve. Remdaihnak tiah Kum (70) leng rak tuah zungzal asi ko nain, a hlawhtlin bal ve lo.

Tlangcung mi tam deuh cu Panglong biakam 1nk asimi Kum 10 hnu ah Zalonnak hmuh timi cu kan kal tak I, Federal in kan kal deuh cang. Ahram thawk ahcun EAOs hi phu 2-3 Lawng kan si nain, phu (17) leng ah kan karh cang. Panglong biakamnak ah aatel ve lomi Tlangcung miphun hna zong nih Panglong ning in kalpi an duh dih ve. Cucaah Federal in kal ah, Kawlram hi adam bik lai, a lam atluangbik lai tiah Politicians kip nih tuak cio asi. Tlangcung mi phun le CHIN Miphun caah a ṭhabik mi le aarup bik mi asi lo kho men ko. Kawlram dam ve cangseh timi saduhthah nak lianpi he Zalonnak in Federal ah kan Ṭum hi asi ko. Cucu MAH le Ralhrang Rallokap telin, DASSK le NLD, NUG / CRPH / NUCC le PDF nih an hngalh tawn rua lo. An i hngalh ter, an I thih ter tawn kha asi.

Tamada Tin Sui le USDP cozah siseh, DASSK le NLD cozah siseh, Panglong tlinter ko awk cu NCA ee, 21st Panglong conference ee tiah, Panglong lonh in PEACE cu an kalpi. Meithal chiah dih hmasat hnu ah Ramkhel kong I ruah ding timi mumal in an kan kalpi caah eibar achuak lonak asi. DASSK le NLD leh bang nih cun Rallokap 25% kha ṭhawlh, Democracy in kal, cu hnu ah Democracy Federal in kal an ti. Democracy Federal cu Bahu (Center) ah nawl le power aum. Federal Democracy cu State ah full power aum. Cucaah, Tlukruan Cikceknak le Mah tein khuakhan Lairelnak asimi Federal kan ti tawn kha asi.

Kawlte le NUG nih Sithmandaw Federal an ti. Hihi Mah tein khuakhan Lairelnak, Tlukruan cikcek nak, kan covo vialte apek khawh lai I Amakhan lai tihi chimh a har ngai. Phihlik tlangvelh phun in PEACE an tuah pi hna caah, Tlangcungmi tampi nih Kawlte uktu Luban cu an zumh ti hna lo. MAH te lawng hi an zumh lo asi lo. DASSK le NLD zong an zumh hna lo. DASSK chan ah NCA ah aatel lo mi, TNLA, MNDAA, SSPP, tbk hna cu MAH PEACE ah an I tel. KIO, le AA hi aatel ballo mi an si, NCA chungtel aa tel lo ding hi KNU, CNF hi ansi. Adang cu thazang derter ansi caah chim duhhlah ning. EAOs angan bik rual hi phu 17 ansi. Phu 10 cu MAH PEACE an tuah lai. Phu (7) cu tel an duh lo.

MAH te Ralhrang he PEACE Talk ah aatel ding mi DKBA, KNU / KNLA -PC, PNLO, NMSP, ALP, RCSS / SSA, LDU, NCA chungtello chung in UWSA, NDAA, SSPP/SSA an si. Aatel lo ding hna cu: KNU, ABSDF, CNF, NCA Chungtel lo in KIO, AA,TNLA, MNDAA, KNPP tbk hna ansi\ EAOs nih an lungtlin tilo mi States (14) kha NUG nih an fek ter. Hihi Tlangcung mi Hnuchit asi kan ti ah nan thin hung lai nain, Tlangcung mi le EAOs zeirello cu asi hrim ko.

EAOs nakin Ralkap le uknak ah kan thazang a ṭawn deuh ti phun in an lungpuam mi NUG asi ahcun apoi tak ko lai. NUG State ṭhen cheuh ning hi Kawlram damnak asi bal lai lo. Zawtnak rai achap tu asi khawh men ko dakaw. NUG nih EAOs hi zei a rel lo kho men. NUG kuttang PDF hi Ṭatzing (100) le PDF (257): Myone 250 ah cozah an dirh, Myone (330) aum mi ah, myone (80) lawng ah NUG cozah an drih rih lo.

NUG kuttang alut lomi, PDF / CDF / LDF 400 an um rih. Ralhrang MAH adoh Cuahmah mi PDF / CDF / PDF hi 600 ansi cang caah NUG nih lungpuam in aa lak ahcun apoi ngai lai. Sate (14) an thanh ning ahcun, EAOs le Tlangcung mi zei te ah an kan rel lo ti usih law kan palh lailo. Si lo hramseh ti lawng ka thlacam nak asi ko.

Be First to Comment

Leave a Reply

Your email address will not be published.