Press "Enter" to skip to content

A Poi Tuk Ee! Mipi A Kan Lauter Dih Ko Cang Mu! Chin Ramkulh, Falam Khuapi Ah Meithal Le Bomb Puah Thawng A Thang Cang Ee

Falam khuapi chung, Cinmual sang/veng အ.ထ .က . ၂ lamton pawng hrawng ah tuzan June 13, zaan suimilam 10: 00pm hrawng ah khan Bomb ngan puah thawng theih asi tiah Falam khuachung ummi hna nih an chim.

Bomb puah thawng theih asi hnu tlawmpal ah sianginn i hmunhma a kuar mi hna kawl ralhrang pwal nih meithal an puah cuahmah ko tiah khuachung ummi hna nih cun an him hi asi. Reff: Zalen

ဖလမ်းမြို့ အထက ၂ ကျောင်းအနီးတွင် ပေါက်ကွဲသံကြားရ/ ဖလမ်းမြို့၊ ကျင်မွှာလ်ရပ်ကွက်၊ အ.ထ .က . ၂ ကျောင်းအနီးတွင် ယနေ့ ဇွန် ၁၃ ရက် ည ၁၀:၂ အချိန်တွင် ပေါက်ကွဲသံ တစ်ကြိမ်ကြားရတယ်လို့ ဒေသခံတွေထံကသတင်းရရှိပါတယ်။ အဲ့ဒီနောက် ကျောင်းလမ်းခွဲက‌ေန စစ်ကောင်စီတပ်သားတွေက သေနတ် ပစ်ဖောက်ကြတယ်လို့သိရပါတယ်။

Htanṭapin Peng SAC Ralkap Le KNLA, PDF Phufonh Kahdohnak Ah SAC Ralkap 3 An Thi: Pako ramṭhen Hṭanṭapin(ထန်းတပင်) peng Zayatgyi(ဇရပ်ကြီး) khua ah a ummi SAC ralkap khah-lah-yiah 73 battalion cu KNLA le PDF phufonh nih June 12, zaan suimilam 9:00 hrawng ah an kah hna i, cu kahdohnak ah cun SAC ralkap 3 an thih lengah hliamhma tuar zong an um, tiah theih a si.

” KNLA, TaungNgo (တောင်ငူ)-PDF le Hṭanṭapin-PDF phufonh nih SAC ralkap khah-lah-yiah 73 cu 40mm lung hnih an chehhnawh hna hnu ah kaphnih kahdohnak minutes 30 hrawng a chuak,” tiah PDF lei nih an thanh. “SAC ralkap 6 an thi tiah theih a si nain kan fehtermi cu minung 3 lawng an si. Hliamtuar mi hna phor ding in TaungNgo (တောင်ငူ) chekhlatnak hmun ah, tuzinglei ah mizaw phor motor pakhat a lut i, Zayatgyi(ဇရပ်ကြီး) in a ra mi a si,” tiah tualchung midia nih a thanh.

Kahdohnak minutes 30 hrawng a rauh hnu ah, SAC ralkap nih suimilam 2 chung hrawng an duhnak hmun poh an kah nain KNLA le PDF phufonh lei hliam tuar an um lo tiah theih a si. Credit: The Chin Post

Pakokku Le Seih Phyo Pawng Khuate SAC Ralkap Nih An Luhhnawh Ruangah Mipi 30,000 Leng An Zaam!: Magwe ramṭhen,Pakokku le Seih Phyo(ဆိပ်ဖြူ) aa pehnak, Yaw tiva thluang ah a ummi khuate pawl cu SAC ralkap nih June 8 thawk in an luhhnawh hna ruangah mipi 30,000 leng cu inn le lo chuahtak in an zaam, tiah tualchung mipi hna sin in theih a si. Khuate an luhnak ah cun mizapi thilri an thlok, an hrawh i an i kalpi dih tiah theih a si.

SAC ralkap hna cu minung 200 leng an si i Pakokku lei khuate an thlok hna hnu in Nyaung Oo lei in an ra i Tanh Gyi(တန့်ကြည်) tlang nitlaklei Yaw tiva kam i a ummi khua pawl ah an i thlok ṭhan. Cu khuate hna cu Taungpalu(တောင်ပလူ), Kaan Phyo nichuah lei(ကမ်းဖြူ), U Yin Suh(ဉီးရင်စု), De Pye(ဒဲပြား), Za Nyaung(ဇညောင်း), Myit Phye(မြစ်ဖျား) khua hna an si, tiah theih a si.

Ralkap 200 cu Ka Phyo (ကဖြူ) nitlaklei in an an i ṭhen ṭhan i Tatmah(တက်မ), Kyaukgyi(ကျောက်ကြီး),Taungphyo(တောင်ဖြူ) khua hna ah rallam an sial ṭhan. ”SAC ralkap hna cu khua pakhat an luh poh ah khuami an tlaih hna i bia an hal hna, an hrem hna i, an phone an chuh hna, ral phaw ah an tlaih hna lengah an ngeih thilri le eidin vialte an chuh hna i an i laak dih, inn zong an khanghpiak hna. Kaan Phyo khua inn 30 tluk cu an khangh i Taungpalu(တောင်ပလူ) khua cu an khua ning piin an khangh fawn,” tiah tuangchung thawnglatu hna nih an chim.

SAC ralkap nih rallam an sialnak pawng hrawng ramlak zong ah minung an kawl caah, Yaw tiva kam ah minung 30,000 leng cu an zaam i, minung 5000 tluk cu ei awk ngei lo in harnak an tong. SAC ralkap nih khuami hna Cycle 100 hrawng an khangpiak hna, tiah theih a si. Credit: The Chin Post

Be First to Comment

Leave a Reply

Your email address will not be published.