Press "Enter" to skip to content

A Poi Tuk Ee! SAC Ralhrang Nih Pastor Pakhat Fak Tuk An Thah

Chin Pastor Pakhat PDF tiah an Puh i SAC Ralhrang Hremnak in Nunnak Liam. Magwe ramtthen, Saduh-daya peng, Thake-daung khuate ah Pathian rian a ttuan liomi Asho Chin pastor Salai Ngwe Kyar cu PDF na si tiah SAC ralhrang nih an hremnak ah a nunnak a liam, tiah thawng kan theih.

December 6 ah khan Saw peng chung ah Khrihfabu rianherh khual a tlawn lio ah SAC ralhrang nih an rak tlaih. PDF na si tiah an puh i, Saduh-daya palik zung ah ralhrang nih ruru hranghrang in an hrem ruang ah December 8 ah Magwe General Hospital ah an chiah.

An hremnak hliamhma in Pastor Salai Ngwe Kyar cu nihin December 9 zinglei ah Pathian ttang ah aa din. Pastor Salai Ngwe Kyar hi Thake-daung khuate ah a tthanglianmi a si i, Baibal sianginn a dih hnu in an khua Baptist Khrihfabu ah Pathian rian a ttuanmi a si. Crd; The Chin Journal

May be an image of 1 person, standing and outdoors

An ngeihmi Caw cu a pa nih a thah hnu ah mei phu tuat in Cawsa cu mei cung ah a em pah khin a pa nih a fanu cu bia a chimh. “Kafa kan inn pa, hawikom le kan sahlawh cu au hna law ei tti hna uh sih , eiding puai kan tuah hna lai i kan i nuam hna lai ” tiah a chimh.

A fanu cu lam cung ah cun a chuak i a au ” kan inn mei a kang ee rak chuak cio uh law, kan bawm cio uh ” tiah a au. Chikkhat ah mi tlawmpal an rak phan na in tam deuh nih cun, cu nu a au mi cu theih terlo in an um. Cu ka ah a phanmi minung tlawmpal he cun nuam ten le khimten an ei i an i nuam hna.

May be an image of 1 person, standing and outdoors

A pa cu a khuaruah a har caah a fanu cu bia a hal than ….” A ra mi hi mi zei dah an si, ka theihmi an um lo ee, kan chungkhat sahlawh pawl tah” tiah a hal.

A fanu nih cun ” a tu a ra mi hna hi kan inn mei a kaang ti thei in bawmh dingah a ra mi an si, nuamhnak tuah ah a rami an si lo, anmah hi khimten dangh ding ah aa tlakmi an si ” tiah a chimh.

Harnak ton caan ah hrialtu cu hlawhtlinnak ton caan zong ah sawmding in an i tlak lo. Biakilh : Kawlca in an tialmi kha Lai ca he aa tlakning in leh thanmi a si. Crd; Mai Anna Par (The Chin Post)

Mandalay ramthen Myinchain peng Simikhung khua in a chuakmi ralhrang phu hna motor pakhat le cycle 3 cu Nanhtahlaing khua le Ngannan khua kar Chawngku hleidonh ah December 9, zinglei suimilam 8:45 hrawngah mi zapi vengtu ralkap phuli fonh nih bomb puahhnawh in an doh hna caah ralhrang cycle 3 cu a rawk i palik minung 3 cu a hmun ah an thi colh tiah Myaung peng TGR phu nih cathanh an chuah.

Kaphnih kar kahdohnak ah ralhrang phu hna cu Myaung peng TGR mi zapi vengtu phu, Myaung Special People’s Defense Force ( MSPDF), 27 Revolution Force, Nganzun Five Star phuli fonh hna nih an doh hna i mi zapi vengtu ralkap phu lei in hliamtuar le a thi um lo in hnu an tolh kho tiah theih a si.

Nihin Ah SAC Ralhrang Ceilak An Thah Than Hna. Sagaing ramthen, Salingyi peng in a chuakmi ralhrang motor pakhat cu Yinmapin peng Teepinkhan khuapawng ah Triple Two phu le mi zapi vengtu phufonh nih December 8, zinglei, suimilam 9:30 hrawngah bomb lung 30 hmanhhnawh in an doh hna caah ralhrang phu minung 10 nak tlawmlo an thi tiah Triple Two phunih cathanh an chuah.

Bomb puahhnawh in doh a tongmi ralhrang phu chung in minung 10 leng an thi lai tiah zumh a si, Dungtaw khua caah thisen man lehrulh kan cham tiah Triple Two phu nih cathanh an chuah. Crd; The Chin Post

Be First to Comment

Leave a Reply

Your email address will not be published.