Press "Enter" to skip to content

A Poi Tuk Tawn Ee! Leipi Khua ah Ramvai Tti Meithal in an i Kap Sual

Leipi khua i, meithal in kah sual a tongmi Pu Aung Soe Senthang peng, Leipi khua ah ram a vai ttimi karlak ah meithal in i kah sualnak a chuah caah kah sual a tongmi pa cu Hakha sizung ah nihin ah an phakpi tiah thawng theih a si tik ah lung a nuam lo ngai ngai.

Nizan zanlei 6:00pm hrawng ah Leipi le Lungkhin khua karlak, Leipi in meng 3 hranwg a hlatnak hmun ah Pu Suh Aung kum 32 le Pu Thanwg Zung Thang telh in minung 4 cu ram an vai i, ram an vaihnak ah Pu Thanwg Zung Thang nih Pu Suh Aung cu a kah sual. Pu Aung Soe cu a mah tein a hliamhma he motorcycle aa cit i Leipi khua ah an va tlung.

Pu Suh Aung le Pu Thawng Zung Thang hi naihniam mi chungkhat/ sahlawh an si i, facang aat ding in Lei ah an riah pah ah ram an vai i, atu bantuk in vanchiatnak a chuak sual hi a si. Hakha palik sakhaan ttuanvo ngeitu palik pakhat nih, “Kah a tongmi hi Pu Suh Aung a si. A kaptu hi Pu Thawng Zung Thang a si i, kah a tongmi a nupi Pi Khin Vang nih case a on. Pu Thawng Zung Thang nih Pu Suh Aung hi a kenglei ah a kah sual. Atu cu Pu Suh Aung cu lungfim in a um cang,” tiah a chim.

Meithal in kah sual a tongmi Pu Suh Aung hi Lungkhin khuami a si i, Leipi ah nupi a ngei. Leipi khua ah cun a nupi le an fale pahnih he khua a sami an si. Meithal in i kah sualnak kong he pehtlai hin Surkhua palik sakhaan ah case on a si i, thil sining fiang in theih awkah palik nih hlathlainak an tuah cuahmah lio a si. A poi kho tuk e.

Be First to Comment

Leave a Reply

Your email address will not be published. Required fields are marked *