Press "Enter" to skip to content

A Rak Thi Rih Loh Nain A Thi Cang Tiah An Ruah Caah An Phum, Ni 11 Hnuah An Va Chuah Than Cu

Miphun ṭhenkhat cu mithi an neih tikah khin an phum colh hna loh a ruang cu a rak thi taktak sual lai loh ti an phan caah a rak si. Brazil, Riachao das Neves khua i a um mi nu kum 37 mi Rosangela Almeida dos Santos cu a hngakchiat lio te in mi ngandam lo pakhat a si.

Siivai tha lo a ei zungzal mi a si i pasal a nei ko nain fa a nei loh. January thla ah khan fak ngai i a zaw i sizung ah an zohkhenh. Siizung aum chung ah khan vawi 2 heart attacks a nei, taksa baa in a dam lo zungzal i,January 28 ah siizung lei in a thi tiah thawngthanh nak an tuah.

Cuti cun a thai zing ah an vui colh. mithikuang a nam nak pawl phun a si mi (concrete tomb) chungah an phum. Thlanmual pawng i a um mi pawl nih cun a thlan chung in thawngpang an rak theih zungzal.

Zanlai ah minung au thawng le a awm mi kong an theih lengmang ruang ah an khuaruah har tuk i, February 9 ah Ms Santos i a chung khat pawl sin ah an chimh hna. An phum hnu ni 11-nak ah a si, a thlan cu an hlai than i a rak thi cang tiah an theih. a ruak cu phundang ngai in an hmuh.

Chuah ai timh nak ah a cal le a kut ah hliamhma a tuar i, a thisen zong tampi a rak chuak. an phum lio ah zeihmanh hliamhma a rak tuar nak a um loh ti a si. Cun, thlankuang a cumhnak pawl zong an hmuh i, an rak khenh nak thir pawl zong a kiat mi a um ti si. leng ah chuah a rak i zuam tuk timi an theih tik ah a poi an ti tuk.

Thlanmual pawng i a um mi nu pakhat Natalina Silva in zanlai ah thawmpang an thei tawn i tleirawl pawl nih capohnak ah an ruah tawn. asinan a thlan pawng i ava kal tikah cun mi authawng le holh a theih ruangah a mangbang tuk nak kong Brazil’s G1 thawngthanh tu sin ah a chim.

Rosangela Almeida dos Santos ih ruang cu an phorhsal ih a taksa khal a hlum lai ti a si, a innsang pawlin a thi an tinak ah thildik lo a um ding an zum ruangah palik hnenah thubuai an thehlut.

Police chief Arnaldo Monte nih Tuchun in a konglam hi buaipi kan thok a si, a herh a si ah cun, Ms Santos a ruak zong hi kan zoh than ko lai. Zei bantuk thil dah a cang timi hi kan theih hrimhrim a hau” a ti. An rak tuamhlawmnak Hospital de Oeste zong nih hin an dothlat nak ah cun, thil a herh mi pawl cu zoh ter an timh cupin ah va pek zong an timh hna tiah thawngtheih a si. (Daily Star) Credit : Meifar

Be First to Comment

Leave a Reply

Your email address will not be published. Required fields are marked *