A Rauh Hlan Ah Federal Army A Dir Cang Lai
Dr.Sasa cun myanmar ralkap pawl hrem dan ding a buaipi reromi ah Federal Army khal a buaipi rero thu ,tlangpar hriamhrei kai pawl thawn an biakawk rero thu a relsuak ih a rei hlanah Federal Army a dingsuak hrimhrim ding tiah a rel.
Myanmar rampi Prime Minister Dr.Zaw Win Soe khal in Federal Army a dinsuak taktak thlang ding tiah mipi theihternak a rak nei ve zo. Ziangtin an din ding, ziangtluk a rei ding timi lawngte cipciar in mipi simtheihnak neih a si hrih lo. Federal Army din dingah tlangpar hriamhrei kai zaten lungrual zetih komkhawm a tel thu theih a si.
Dr.Sasa cun “Myanmar ralkap ih thu fehpimi le kekar dan cu tlangparmi hrang hmun a um lo. Ralbawi ah tlangparmi sinak pek a um lo ih anmah kawl lawng ralbawi sinak co thei in an tuah. Cuvek cu kan duhzawng a silo ih Kachin pa,Chin pa, karen pa le mon pa tivek khal a tlin a si ahcun Myanmar ralbawi lubik si theinak pek ve ding a si.
“Tlangparmi pawl ih duh bikmi le beisei zetmi cu Federal Army a si ih reizet an hngak ringring bangin a cangsuak thlang ding. Himi thuhla ah tlangpar ralthuam kai pawl thawn meeting kan nei rero zo. Anmai pomdan le kan pomdan komkhawm men a si ih a harsa lamlam lo. Cuti kan komkhawm awk hnuah pawlkom picang zet a si dingih Federal Army a suak ding a si,” tiah a ti.
Mipi lam theih ding thupi zet cu hruaitu in mipi thu an tiam ding le mipi an hruai dan ding tivek cu mipi simtheihnak an neih ringring a tul ih an tumtah vekin thil a cangsal lo thei timi khal theihpi thiam a tha. Tu ah Federal Army dinsuak ding thu aupi fel zo nan,ziangtluk a rei ding, a dingsuak taktak thei pei maw timi cu hmailam thu a si. Dr.Sasa. vapualauaw
