Press "Enter" to skip to content

A Sunglawi Tuk Ai E : Chinmi USA Khuasa CBCUSA NUBU nih Sui Hlei Tial Bulhnak An Pek Mi A Tam Taktak

Leng Sui Hlei Tial nih a kan liamtak kong he pehtlai in CBCUSA NUBU hna cu kan ngaih a chia i Ngaihchiatnak tuarmi chungkhar hna kan in tuarpi hringhran hna. CBCUSA NUBU nih Kan ngaihchiatnak tuarpinak langhter nak ah $1000 Cung Hu Blood Bank sin in kan van in kuat hna.

Nan ngaihchiatnak mithlitlaknak vialte Bawipa nih tuar khawhnak thazang thar in pe ko hna seh law thluachuahnak he lam in hruai ko hna seh ti hi CBCUSA NUBU hna kan thlacamnak a si.

Thawngpang dang relchap >>>>>

Kum 17 Hnuah Paisa Cawih A Rak Sianglotu Bank A Cawk

England, Urmston i a um mi Adam Deering kum 39 mi nih paisa cawi a rak sianglotu bank umnak building cu kum 17 hnuah a va cawk. A nun nak ah timhlamh mi thil lianpi a rak nei nain, chawva fangkhat hmanh a rak neih lo caah bank ah phaisa cawi ding in a rak kal.

Thilzuar ai tim i, a hramthoknak ding ah tiin, chawva £10,000 ($12,800) zat in loan lak ai tim. A thilzuar ai timh ningcang le, a riantuan dan ding pawl cu catlap ah a tial dih i bank ah a ap.

Asinain, bank manager pa nih zeihmanh ah a rak relpiak duh loh ‘Na hngakchia tuk rih i na hmuhton mi (experian) zong zeihmanh na neih rih lo caah risk kan la ngam loh’ arak ti. A ngeih a chia tuk nain a hnebei a dong duh lo i, a mah te cun ai zuam peng ve ko. thla 5 chung rian a ṭuan hnuah amahtein office a on i salesman rian a ṭuan.

Ai zuamnak thawng in le a teimaknak ruangah mihlawhtling taktak ah a chuak. tu’ahcun UK ram i businessman minthang bak cang mi pakhat a si i rianṭuannak company zong tampi a nei cang. Multi-mullion business 5 hruaitu zong a si. kum 17 hnuah cun chawva rak cawi a siang lo tu bank umnak building tiang in a cawk.

Adam Deering nih ‘chawva cawih a rak ka siang lo tu cung ah hin ka ngeih a rak chia tuk a sinain tuah cun ka chunmang a tling thotho Kum 17 hnuah bank umnak buiding copin ka cawk khawh i, rinh chanh tlak minung ka si nak hi langhter hrimhrim ka duh tiah a ti.

Be First to Comment

Leave a Reply

Your email address will not be published. Required fields are marked *