Press "Enter" to skip to content

A Tha Tuk : Hakha I Palik Tuan pakhat Le Falam I Palik tuan Pahnih Cu Mipi lei ah an tang uar an um kho tuk hna

Chin ramkulh Falam khawpi ih palik tuan Chinmi pahnih le Hakha ih palik tuan Chinmi pakhat cu mipi lamtang in zung an kai nawn lo ding thu an suah ih CDM an tuah. Falam palik zung in CDM tuah pahnih cu Sai Thang le Myo Tin an si. Sai Thang in mani ah palik zung kai nawn lo dingin CDM a rak thok ih Myo Tin in tuini ah palik zung kai nawn lo dingin CDM a tuah thok ve. Hakha ih palik tuan Salai Lal Biak Lawm khal tuini in CDM a tuah thu theih a si.

Cumi ah Sai Thang cun β€œKei cu Chin ramkulh Falam palik zung ah Palik tuan Sai Thang ka si. Ralkap thuneihnak hnuaiah hna ka tuan peh thei nawn lo ih mipi lam tangin CDM tuah ka si. Palik ka sinak in ka bangfel tinak a silo ih mipi lam tangin a langten hna ka cawl hrihmi a si,” tiah a ti.

Myo Tin cun β€œKei cu Falam myone palik zung ah palik hnatuan Myo Tin ka si. Ralkap thuneihnak hnuaiah palik ka tuan peh thei lo ih mipi lam tangin CDM tuah ka si. Ka hna ihsin ka bang tinak a silo ih mipi ka dinpimi a si,” tiah a ti.

Salai Lal Biak Lawm cun β€œChin ramkulh Hakha khawpi ah palik tuan keimah Lal Biak Lawm cu March 2 in CDM ah ka tel ve. Tuvekin ka telnak san cu palik ka tuan paih nawn lo siloin ralkap kuthnuai ih palik tuan ka paih lo ruangah mipi lamtang in CDM tuah ka si. Ka hna in ka bang tinak a silo ih ka zung ka ngainat bangin tlunlam ziang siar lo khal ka silo. Party ih tel khal ka si lo ih dai ten CDM ah tel ve ka si,” tiah a ti.

Myanmar ram khawpi Naypidaw ih palik 4 khal ralkap kuthnuai ah hnatuan peh paih loin CDM an tuah thu an phuang ve. Kalay peng Letpanchaung khua ih palik 7 khal mipi harsatnak petu si kan duh lo ti’n mipi lamah an tangsawn ih CDM an tuah thu an phuang ve a si.credit : vapualauaw

Be First to Comment

Leave a Reply

Your email address will not be published. Required fields are marked *