Press "Enter" to skip to content

A Tha Ve Taktak Si : A Tu Hi Nu Bia Tak Tein An Cawl Caang

β€œA tu hi Pathian nih Nu hi a hmanlio hna caan a si, ka ti” Febuary 06, 2021(2:45 am) an rianαΉ­uannak in inn ka phan i facebook ka vun bih i Yangon (Rangoon) ah ralkap uknak laak (military coup) mi duhlonak an langternak ka hmuh i 5:30 am tiang ka zoh hna.

Mah mibupi a hruaitu hna cu Karen nu pahinh an si. An biachim ngaih tik ah an thlum-al tuk; an mui zong duh an nungtuk; An mitau ah dawtnak hmuh khawh an si; zoh ah uar an um taktak; upatnak ka pek hna. (kawr/angki an ihrukmi in β€œKaren” tiah ka ti ko hna).

Mah nu pahnih ka hmuh hna lawng si lo in nikum hrawng khan ka thinlung chung ah a chuak ngaingai mi cu β€œA tu hi Pathian nih nu hi a hmanlio hna caan a si, ka ti” ti hi a si. Youtube, Facebook, le Online kip ah Laimi he Mirang he, Kawl he, tlangcungmi he, Pathian nih nu hi a hman ngaingai hna ti hi ahohmanh nih al khawh lo ding in hmuh khawh a si.

Cu leng ah chungkhar le Khrihfabu ah rawlulh in thla a cam mi hi pa nak in nu an tam deuh. Cu a si caah β€œNu” hi Pathian hmanh nih a hman ko hna ah cun CBCUSA, MBC, CBC, Association kip, le local Khrihfabu kip nih β€œNu” hi Pastors le Khrihfa upa zong ah hin kan hman deuh awk hna an si” ti hi forh fial kan duh ko hna. Bawipa minthannak caah si ko seh! Amen. Upatnak he, Isaac Duhtling pa (Mang Chawn) February 06, 2021 (2:30 pm) Indianapolis,USA

Be First to Comment

Leave a Reply

Your email address will not be published. Required fields are marked *