Press "Enter" to skip to content

A thiang hlim tilo miโ€™Nu pawl nih mahโ€™biathli hi nan theih bak a herh

A tu kan chan ah hin Pathian sin ah kutsih lehthahnak tuah lo in hmunkhat i a umtti mi nungak tlangval tampi kan um ve cang caah siaherhnak he hi ca hi kan van in hromh ve hna, fak deuh vak in kan in hliam sual a si le fak deuh vak in na nun na thlen a hau ve cang tinak ah rak i ruak ko.

Pasal ngeih hlan hna i tlangval he innkhat ah nuva bantuk tein hmunkhat ah khua a sa mi nu cu hlawh a ngeilo mi hlawhhlangnu nak hmanh in a sining a niam deuh tinak a si. Hlawhhlangnu cu a zeimawcaan tal ah hlawh a ngei. Phaisa pek hau loin a lak tein an um pi hna caah man ngeilo minung an si tinak a si. An duh mi le an i lunghmuih mi cu a umpi tu pa nih a velhle tein kan dawttuk kan duhtuk timi annkaa tlum kha a si, cu ah cun an i za khim.

Chim a fawituk mi biafang โ€œkan duh tukโ€ timi biafang an chimh ruang ah khan mah mipa kha na thianhlimnak na pek awk a si tinak a si nemmam loh, i ralring cikcek. Bia kaa hnihkhat ruang i nungak nih tlangval sin ah a thlianhlimnak a pek tawn mi hi cu lung a fak taktak mi thil a si pin ah damchung philh awk a tha tilo mi thil zong a si. Pasal na ngeih hlan ah cun tha tein i veng.

Na dl pa he innkhat ah nan living ruang ah khan ka dl pa nih hin nupi ding ah a ka tthit hrimhrim lai na ti ngam maw? Nupi caah an tthit ding le tthit lo ding cu kanmah nak in nanngmah tein nai theih deuh ko khah! chim ding tam a um loh. An duh taktak ah cun living together loin a rak in tthitt deuh ding tu na si nain.

Na umpi mi pa he khan teh kan i tthen ti lailoh tiin na chim ngam maw? Pathian samhrisih hna rak si hlah uh law teh? Pa pakhat nih duh tawk in a nupi bantuk in caan saupi ai umpi cang mi a si timi menmen khi na hei si hnga tinak a si? A tuar te dingmi cu nangmah kha na si ko.

Pasal a ngei cangmi bantuk tein caan saupi chung padang sin ah na um pengmi konglam kha na dl thar sin ah zeitindah na hei chim hnga, na mithmai a bi te hnga maw? Na virgin tilo mi teh zeitindah na dl pa thar sin ah tuanbia na hei phuah hnga i na hei chim ve hnga? Nuhlun ruang i fak tuk in i chirnak nih na nun cu hell mei hmete bantuk a si te lai.

A ngaingai ah cun nuva si hlan i hmunkhat i living together in um cu Pathian phung a si lo pin ah laimi phunlang hrimhrim zong nih a huat taktak mi a si i laimi kan ca le bang ah cun hi nak i zoh a chia mi le fih a nung mi pakhat hmanh aum ti loh ti khawh a si.

Nungak pawl nan thianhlimnak kha tlangval pawl caah a si loh i na pasal ca ding tu ah a si ti kha Pathian ttih bu tein ruat peng uh. Cu ti a si lo ah cun hlawhlang nu nak hmanh in a sining a niam deuh mi hlawhlang free version na si tinak a si lai.

More from THEIHTLEIMore posts in THEIHTLEI »

Be First to Comment

Leave a Reply

Your email address will not be published. Required fields are marked *