Press "Enter" to skip to content

A Thli Tein CNLD Min A Hmang Tule Party fate Le Palai An Um : Salai Ceu Bik Thawng

A ra lai ding mi 2020, November thla Myanmar rampi ithim nak ding ah timhlamh nak a nei cuahmah lio mi CNLD party min hmang in mipi a hleng lengmang tu party fate le palai an um mi kong ah CNLD chungṭuan Salai Ceu Bik Thawng nih Duwun sin ah chim fiahnak a nei.

Tu dirhmun tiang CNLD party nih party dang a kop timi hmuh ding a um lo nain party fate le palai ṭhenkhat nih cun CNLD he ṭuan ti ding mi party kan si ti`in khua dangdang ah vak in mipi an thlem hna.

Hi kong he pehpar in CNLD ṭuanvonei tu Salai Ceu Bik Thawng nih cun “Kan party min hmang i a cawlcang tu party fate le palai ṭhenkhat an um ruangah ကြံ့ခိုင်ရေး le NLD nih party dang he ai kop mi ah an ka puh dih i chimfian nak zong ka neih dih cang.

“Tu dirhmun ah Chin ram le kan zuam nak ding hmunram pawl i kan cah tuk ruangah party fate le palai ṭhenkhat nih cun kan mah party he ṭang ti mi si bantuk in mipi an rak thlem.” “Hi bantuk in thil tiding a si loh. UEC daan chuah mi he zong ai kalh mi a si.

UEC sin tiangtiang cun kan report lo i an mah party le palai pawl he kan party min hmang ti londing in, chimh than nak kan neih hna” tiah Duwun sin ah a chim i “Mahhi chimfian nak kan neih mo nihhin mipi zong an lung a fiang dih lai tiah zumhnak kan nei”a ti.

Be First to Comment

Leave a Reply

Your email address will not be published. Required fields are marked *