Press "Enter" to skip to content

A Tlawmtuk Rih, I Cei Hna Seh, Rangon I Ralkap Ngeihmi Shopping Center Pahnih Cu Ciam cikcek in A Kang

Rangon I Ralkap Ngeihmi Shopping Center Pahnih A Kang
================================================================

Rangon ramthen Mayangone myone, Gandamar lamkam ah a ummi ralkap ngeihmi
Gandamar Whole Sale shopping center pi cu April 1, zinglei 1:00 am hrawngah a kang tiah theih a si.

“March 31 zantim i mipi kan i hngilh cuahmah lioah Kaba Aye Phaya lampi cungah meithat mawtaw tlik thawng thang taktak in kan thieh i kan lau, zeidah a si hnga tiah kan khuaruah a har. Khua a dei i kan thawh tikah cun ralkap ngeihmi Gandamar Whole Sale innpi a rak kangmi a si” tiah cuka hrawng i a ummi pakhat nih a chim.

Mei a kanghning hi a fak ngai i Level 7 a si tiah theih a si. A hmun i a ummi hna nih an chimnak ah a chung thilri zeihmanh a taang lo, a kaang dih ti a si.

Cu pinah April 1 zinglei 2:00 am ah Rangon khuapi, Sule, Pansudaing ah a ummi ralkap ngeihmi thiamthiam Ruby Mart zong a kang rih.

Ahodah nih a khangh, zeitindah an khangh ti cu zeihmanh theih a si lo. Atu bantukin ralkap ta a simi, cun anmah he aa pehtlaimi hna cu khangh/hrawh piak lengmang ding a si ko. Minung hmanh pei a kan thah lengmang cu!

Ref: RFA

Crd: Chin Post

Be First to Comment

Leave a Reply

Your email address will not be published. Required fields are marked *