A tu RALHRANG le Mifir le Damiah kan doh mi hi Laimi nih Federal kan hmuh khawh nak ca ah si seh law, kan lung ai rual tuk ko hnga. Laimi cheukhat kan pa le pawl cu LAIMI nih Federal hmuh nak in NUG le NLD nih cozah an tlaih than khawh nak hi an duh deuh i NUG le NLD ca tu ah an doh deuh mi a si.
MAH nih nan duh cem mi FEDERAL kan pek hna lai ti hmanh ah a duh ding phun an si loh.kan Pi Suh nih Dictatorship in uk peng hi an tlaihchan deuh lai. Credit; Peter Mang
Thawngdang Relchap>>>><<<< ချင်းအမျိုးသားဒီမိုကရေစီအဖွဲ့ချုပ်ပါတီ – Chin National League For Democracy (CNLD) 1988, September 11 ah Dr. Mg Mg cozah nih multi-party election tuah ding in hlut daw tonpumhnak ah bia an khiah mi cu Ralkap cozah nih ram uknak nawl an laak hnu zong ah parliament palai thimnak tuah ding in le teinak a hmu mi party nih cozah derh a si lai tiah General Saw Maung nih ram pumpi theih in a chim.
Mah ti cun ralkap cozah nih September 27 ah နိုင်ငံရေးပါတီများ မှတ်ပုံတင်ခြင်းဥပဒေ an chuah i political party a derh mi pawl nih an party derh mi cu ralkap cozah sin ah registered an tuah cio. Hi lio ah Rangoon khuachung i a rak ummi Chin community pawl zong, cu lio an min auh ning, kan ule Salai Ram Ling Hmung le Salai Lian Hmung te pawl nih an hrih (initiate) i Chin miphun aiawh kho tu party derh ve ding in khua an khang.
A lungtho mi Chin upa pawl cu i tonnak an ngei lengmang ve hna. Mah cu lio ah Dr. Za Hlei Thang, Pu Val Thang, Paletwa in MP hlun U That Hlaing, Falam in MP hlun Pu No Zam te pawl zong Rangoon ah an hung phanh ve ka hmuh hna. Cu in ‘Chin National League For Democracy (CNLD)’ party cu an vun derh khawh i Rangoon khua chung Pansodan Street le Strand Road kar ah khin a si ko rua, ka fiang ti lo, room pakhat an hlan i CNLD office ah an hman.
Kei zong ka hngalh lo kar ah စာရင်းစစ် – auditor phu ah an rak ka chiah ve. E ko seh ka hei ti ve ko. Cu caan karlak chung te ah cun zei audit tuah awk zong cu a um lo. Ni khat belte CNLD min in fund kawl ah a si ko rua, a kan liam taak cang mi kan pale Pu Lal Bik, Pu C.K. Tai Kwel le Dr. Khuanga nupi he kan rak i chok hna. A hnu ah an pahnih in Falam peng constituency 1 le 2 ca ah palai i thim ding in an min an pek ve tiah ka rak theih. Pu Lal Bik cu Dr. Za Hlei Thang nih a ai a awh ṭhan rua.
Mah cu lio ah Pu C. K. Tai Kwel nih bia pakhat a rak ka chimh mi ka philh khawh lo mi cu, na pa Cung (Dr. Ṭial Cung Ling) he sianginn kan rak kai ṭi lio ah kan rak i timi cu, Lairam (Chinram) hunchonak le ceunak ding caah kan i zuam lai kan ti i anih mit lei ceunak thiam (Eye Specialist, Germany) a kai, kei mei lei ceunak thiam (Electrical Engineering, USA) ka kai e, tiah a rak ka ruah bal.
Pu C. K. Tai Kwel cu a pensen tiang Kawlram Ministry of Electricity ah a sang bik chang ဒုအင်ဂျင်နီယာချုပ် – Deputy Chief Engineering a rak si. Hakha ah kum sau nawn a rak um bal mi Pu Khuang Lan i a u chuahpi a si. November thla ah Rangoon in Kalaymyo ah, cu in Mizoram Champhai Camp ah ABFSU Kawl siangngakchia pawl he kan kal hna i mah cu in CNLD i ka auditor sinak zong cu a kal beh ve. Ralkap nih ram uknak nawl an laak hlan cu Rangoon um Chin mi a um chun zong i khawm in za lampi cung i cozah duh lo langhternak ah kan rak chuak ve hna.
Be First to Comment