Press "Enter" to skip to content

A Ze Min Aung Hlaing Nih Mipi Humhim Chim Lo Thah Dih An Kan Timh Cang Ko Hi Teh, Misual A Hman Mi Hna Cu

Kawlram caah cun mipi tiang in thinphang dai lo a si cang. Ralkap lubik Min Aung Hlaing le a kut tang pawl nih an thil tuah mi hi fih a nung taktak, Kawlram chungum mi hna caah a bik in i ralrin taktak hna usih. Min Aung Hlaing le a ralkap hawi pawl nih mitha lo an chuah mi hna nih bia tak tein mipi caah harnak thil an tuah mi hmuh khawh a si cang.

Tu zaan chungah khan misual hna nih tteih khan i a um mi hna nih an taoh mi an dinti khur chungah sii ttha lo an paih piak hna i, mah cu an paih lio ah cun mipi nih an rak hmuh hna i an tlaih manh hna. Credit : Ei Tone OS

Thawngpang dang relchap >>>>>>>>>

CNF Chairman Pu Zing Cung nih a chimmi (Rpost)
————————————————–
1.Chin miphun nih kan dohmi ral hi Kawl miphun ruahnak a si. Kawl miphun a si lomi (Chin, Shan, Kachin etc..) hna kha Kawl miphun ah canter duhnak an ngeihmi ruahnak le Ralkap uknak hi Chin miphun nih kan dohmi ral a si.

2. Chin miphun cu zeitik hmanh ah Kawl miphun kan si lo i, Chinram ah Chin miphun lawng nih dah nawl a ngeih ko lo ahcun aho miphun hmanh nih nawl an ngeih ding a si lo.

3.Chin miphun kan thazaang hi khoika hmanh ah a um lo, UN zongah a um lo, US (America) zongah a um lo, khuazei ram hmanh ah a um lo. Kanmah Chinmi kut cung lawng ah a um. Kan Chin miphun nih luatnak kan duh, zalonnak kan duh a si ahcun β€œkan ram kan kut cung phakter” kha kan luat ni a si ko.

4.Chin miphun cu: Holh le ca, nunphung tlamtling tein a ngeimi miphun kan si. Vawleicung ah miphun phunkhat kan si ti hi fiang tein a lang. Cucaah cun Miphun phunkhat a simi hna nih kan miphun sinak kha tΘ›ha tein kan i ken i, kan miphun sinak kha kan nunter i, kan miphun sinak kha kan i zahpi lo i, hmai ah kan nawrpi ding kha a biapi tuk. Cu miphun sinak nih cun zeidah a langhter tiah cun, kha miphun kha hmailei ah zeipaoh kanmah tein khuakhan lairelnak le uknak nawl kan ngei lai timi zong kha fiang tein a langhter chih.

5. Chin miphun nih ral kan dohmi hi kan miphun le kan ram a lohtlau lo nakhnga le kan ram ah kan miphun nih duhdim tein khuasak tintuknak kan ngeih khawh i, kan Pathian zalong tein kan biak khawh nakhnga caah a si.

6.Panglong hnatlaknak bantukin kan Ram kan dirh i, kan Miphun nih cu ram ah nawl kan ngeih tik ah ramchung ral a dih lai i, daihnak le Θ›hanchonak a ummi Ram kan dirh khawh lai. Cu bantuk Ram dirh ding ah Kawl miphun le ralkap nih an kan kham peng a si ahcun β€œKanmah tein nawl kan ngeih khawhnak Ram kan dirh a herh”.

7.Miphun dawtnak cu Nuhrin nakin i chuahpi mi a si lo. A cawn in cawn a haumi a si. Nihin Chin Miphun hna zong nih Miphun dawtnak hi kan cawn hrimhrim a hau.

Be First to Comment

Leave a Reply

Your email address will not be published. Required fields are marked *