Press "Enter" to skip to content

AA Ralkap Hna Nih Min Aung Hlaing Ralkap Pahnih An Tlaih Tthan Hna

AA nih Rathedaung peng ah SAC ralkap rianttuan tu 2 an tlaih hna. Rakhine ramkulh Rathedaung peng ah Arakan Army (AA) nih SAC ralkap riantuantu minung 2 an tlaih hna i an kal pi hna tiah theih a si.

An tlaih mi hna 2 ah pakhat cu Department of Industrial Supervision officer U San Lin Aung le Rathedaung khuapi um Tuition chimtu saya Zaw Hein Tun an si tiah U Zaw Hein Tun a pa nih t media sin ah a chim.

U San Lin Aung hi Department of Industrial Supervision officer a si i, a pa hi ralkap lei ah rianttuantu pakhat a si. An pahnih te in lunghrinh ruang ah an tlaih hna tiah khuami nih an chim.

Hi hna pahnih tlaihnak kongah AA in chimnak nawlngeitu Khine Thu Kha nih cun thil cang mi kong a theih rih lonak kong le thil sining ai fian hnu ah thawng thanh tthan a si te lai nak kong a chim. Credit; LCBN

Relchap>>><<< Lautu, Mara, Zophei, Zotung le Senthang hriamtlai phu hna nih joint committee an ser ve cang. Mah pengtlang hna hi a hlan tein unau kan si tiah ram tampi ah ZZLMS committee ser in civui le i hawikomnak bawlungpuai hna tuahti lengmang a si.

Atu cu hriamtlaih lei zong ah i naihniam deuh in riantuanti an i tim cang tinak a si. Tampi nih cun thiltha ah kan ruah ko lai nain cheukhat nih cun phan awk ah an ruah ve men lai.

Senthang CDF khi Hakha CDF he an i rem lo, CJDC zong ah an luhter duh hna lo. Nain, atu cu CJDC member 4 nih alliance an vun tuah tikah lungnuam lonak a um kho.

CNF le CBCUSA hruaitu an biachim zoh tikah duhsah tein pengtlang CDF pawl hi hrawh in CNF/CNA ah luhter dih an timh hna timi hmuh khawh ngai a si. Abik in CNF sin lawng ah bawmhnak phaisa luhter, mah tein a dirmi CDF pawl bawmhnak chah, CNF kuttang ah a lutmi CDF lawng phaisa bawmh ve ding khi biapi ngai in an i timhmi pakhat cu a si.

Nain, tutan ZZLMS hma an lak ning zoh tikah I theih thiam lo ahcun hmailei kan Chin miphun kar ah buainak nganpi a chuak te kho timi hmuh chung khawh a si — hriamtlai phu pakhat le pakhat kar ah i upatnak le i theihthiam nak a um a hau, i nek lo a biapi tuk te lai tinak a si. Credit; Salai Lungthli Tum

Ramdang khual tlawn hi a nuam ngai ko nain an rawl ka ei duh theng hna lo i ka der dih cang. Weight thumh duh cun ramdang khualtlawn hi tha bik dawh a si.

Yangon i mah duh ning tein personal rawlchumhtu maid nih ngapih-chet te he a chumhmi ei kha ka vun ngai cang. Atu zong hi zaan tim si i ka paw tam tuk hoi cang😊. Credit: Salai Lungthli Tum

Rangon Thang cu i velh a hmang, misual a si tiah an ka chimh tawn ko nain ‘Rangon Thang a nau na si maw?’ an ka ti caan poah kai lunghmuih tuk tawn, mi nih nang he kan i lawhnak an hmuh khawh ah khin kai lawm tuk zungzal.

‘Unau 8 kan si nain na ule tanghra awng kho kan um lo, nangmah tal nih na awn lo ahcun mi nih arti khuai kho lo chungkhar an kan ti lai, ca thiam lo chungkhar an kan ti zungzal ding ka celh lo, nangmah nih tanghra na kan awn piak hrimhrim a hau, rian ka tuan lai i ka hmuhmi phaisa poah ka rak in kuat lai’ tiah Hakha tangkua ka kai ah bia naka cah i tanghra hmanh ka phak hlan ah mithalo nam sawhnak in na kan thih tak.

Bia naka cah bang in tanghra zong ka awng ve cang timi cu aho tal nih an in chimh ve cang hnga dik maw? Na thlan zong ah voi hnih ka vun in leng cang, naka hmu kho hnga dik maw? Credit; Salai Lungthli Tum

Be First to Comment

Leave a Reply

Your email address will not be published.