Press "Enter" to skip to content

Accident Ruangah A Thluak A Tlau Dih, A Pasal Nih A Helh Than I An I Um Than

Laura Hart Faganello le Brayden cu Victoria, Canada ah ai tong mi an si i, an i duh tuk thla 8 chung an i zulh hnu ah, 2016 kum ah an i um. Chungkhar nuamte dirh in an um lio ah, thir ngan pi nih Laura i a lu ah a tlak chih, thicawng-nungcawng (coma) in a um i siizung ah an tlikpi.

A van ṭhat than tik ah cun, zeihmanh a thei ti loh. Laura nih “Kum 17 mi bantuk in ka um, ka nunhlun i thilphan mi pawl kha pakhat hmanh ka thei ti loh. Brayden zong hi ka thei ti loh i ka duhnak le ka dawt nak zong a tlau dih tiah a ti.

Catial le carel zong a thiam ti loh i an cawnpiak than.Ṭhate in a holh khawh ti lo ruang ah a nulepa sin ah an tlun ter. Naute chuakka bantuk tein zeizong vialte hi a cawn than dih a hau tiah sibawi te nih an ti. Laura nih a theih nak pawl cu ngah than ding in ai zuam lengmang nain, a chuak kho ti loh tiin a facebook ah a tar.

Brayden in a nupi Laura cu a ngiar (try) than i nungak tlangval bantuk tein an i kawm than. Laura i duhmi le huam mi pawl cu Brayden nih a theih deuh ruangah dawt tak in a tuamhlawm. Theihthiamnak le duhdawtnak in an.i kilkhawi ruangah Laura zong nih a duh than.

Kum 2 chung an i zulh than hnu ah August 19, 2019 ah Brayden nih i um ding in a sawm i Laura zong nih thinlung taktein arak “ok”. Laura nih, “Ka theihnak pawl cu an lo dih nain Brayden ka duhnak cu ka nei kho than ko. Ka hawikom ṭhabik, ka Crush le ka duhmi val a si. Theihnak thar le ruah nak thar in nun kai tim than ko a ti.

An tuanbia vialte cu online chung ah an thlah i, minung 14,000 nih an Share piak, 43,000 nih Likes an pek. Mi tampi nih an comment i an hmailei nun hrangah duhsaknak an hlan. Ṭhenkhat nih 2012 kum i zallan ‘The Vow’ bantuk bak nan si an tii, a pasal Brayden i zuamnak zong an fak tuk hringhran.

Be First to Comment

Leave a Reply

Your email address will not be published. Required fields are marked *