Press "Enter" to skip to content

Actor Lu Min Cu Myanmar Police Pawl Nih An Tlaih Cang

Myanmar lemcang thiam minthang a simi Lu Min cu a tunai bak ah khan Police nih a umnak inn ah an va tlaih. Khuazei Sakhan ahdah an kal pi timi zong theih a si lo. Actor Lu Min hi kan hnu zarh ah khan tlaih ding in Ralkap nih Warrant an chuah cang mi asi. Ralkap hramhram uknak dohnak ah hmaisuang in a cawlcang mi a si, ram mipi faktuk in a lemsoi khawh sual hna lai ti ruang ah tu bantuk in warrant tiang an chuah hi si dawh asi.

Tuzaan ah khan a umnak inn ah cun police nih an va kal hnawh i an tlaih hi asi. A nupi cu a taap chih len, ka bawm uh, ka pasal khuazei an kal pi zong ka thei lo. Sakhan ah ka ra lai ka ti hna zong ah an duh lo, khuazei Sakhan ahdah nan kal pi lai ka ti hna zong ah an chim duh lo tiah a nupi nih mithli he a chim chih.

Nihin ah Mandalay ah minung pahnih thah a si, minung tampi nih hliam an tuar, cun tuzaan lila ah Yangon ah pakhat pa police nih an thah hoi. Cu tlawmpal ah actor Lu Min zong an tlaih, an kal pi nak theih a si lo tiah a nupi nih mithli he a chim tthan hi asi.

Be First to Comment

Leave a Reply

Your email address will not be published. Required fields are marked *